Iyada ma aha qof aan jeclahay oo keliya, ee waa qof qalbigayga meel gaar ah kaga jirta. Waa qof aan jeclahay joogitaankeeda, hadalkeeda, dabeecaddeeda iyo sida ay mararka qaar hal eray ugu beddeli karto maalintayda oo dhan. Qof walba nolosha wuu soo maraa, laakiin qof kasta qalbiga raad kuma reebo; iyaduse waxay ka mid tahay dadka aan si fudud loo illoobi karin. Mararka qaar waxaan dareemaa in erayadu aysan ku filnayn waxa qalbigaygu dareemayo. Waxaan jeclahay sida ay tahay, anigoon rabin inay qof kale noqoto. Waxaan jeclahay marka ay faraxdo, waxaan jeclahay marka ay ila hadasho, waxaana jeclahay xitaa aamusnaanteeda, sababtoo ah qofka qalbigaaga meel ka galay, wax kasta oo isaga la xiriira waxay kuu noqdaan kuwo qiimo leh. Waxaan jeclaan lahaa inay mar walba ogaato in ay tahay qof la qadariyo, la xushmeeyo, lana ilaaliyo. Haddii ay mar uun dareento in aysan muhiim ahayn, waxaan jeclaan lahaa inay xasuusato in qalbi jiro si dhab ah ugu farxa marka uu maqlo codkeeda, u xiisa marka ay ka maqnaato, una qadariya xitaa waxyaabaha yaryar ee ay samayso. Jacaylka dhabta ahi ma aha hadal qurux badan oo keliya, ee waa qadarin, faham, daacadnimo iyo in qofka aad jeceshahay aad mar walba dareensiiso qiimaha uu kuu leeyahay. Anigana iyada waxaan u arkaa qof aanan jeclaan doonin oo keliya marka wax walba wanaagsan yihiin, balse aan jeclaan lahaa inaan garabkeeda ahaado waqti kasta, farxad iyo dhibba:❤️🥹 - @55.55.555.555.8