@za33g: انتضرو الهديه ساعه 1 كله تول شفاف نازل ليجـوه ويجنن فستانهه وهيه نازكه فاتحه شعرهاا وناعمم كتلها احم احم شهل جمال ( لان شموس حجتلي قصتها ويه احمد وشلون يحبهـا ) دنگت خجلانه وكالت فدوه بس ابدد مو بجمالجج ماكول غير بس هنيالـه الي ياخذ گلبج ✨ صفنت عليها ومدري احس عمدتا هيج حجت كتلهه حبيبي فدوه من ذؤقج كتلهه خاب ورده صوريني من يمج حبابـه لان راح نركص وطلعيني بس لتطلعين سرو ترا كرار يخبصني ضحكت وكالت منو كرار ما احس الا سرو اتقربت وكالت زوجي خيه زوجي ✨ كتلهه ديلا عيني شماخذه الحلبوسي كالت خاب الحلبوسي يلحگ كرار ؟ ضحكت وجريت الشال الي ع جتفهاا وشديته ع خصري وكتلهه يلاااا طلعينه اغنيـه عاد راحت سرو طلعت بالديجي وزودت الصوت صار عالي كولش والاجواء حماااس وشغلت اغنيه ( العب حبيبي وحدك بهالساحه العب بگلبي وروح بس براحـه ) بديت أشر ويه الاغنيه واهزز رگبـه وارجع اهز جتف عود سرو اتقربت تريد تركص وصفنت عليه بشهكـه ! اما ورده تصور بيـه اتقربت الها وهزيت جتف ورجف افرر بشعري منااا ومنـااا وصوت ام شموس تكول بعد ميس وكلولها اركصي 😂 ضليت اميل بجسمي واهزز رگبته ورحت يم شموس اركص بخصري واداهرر بيهاا وهيه ميته ضحك شويه وكابلتني سرو تركص بعدهاا يا الله كضتها ام شمس وكالت الها يمه حامل حامل اكعدددي وهيه ضاجت وكعدت وبقيت بس انييي ماخليت حركه ماسوويتهاا اخرر شي شلت اطراف الثوب وكمت اهزز بشعري وسرو كامت تهلهل وتصفك وام ملهـم فاتحه عيونهه تباوعلي وكل شويه تشاور ورده وترجع تضحك وعاد اني شلون استحي تهي يالله ولا اهتميت ذبيت لحـم من جتف من رگبته واهزز خصررر وارجع افرر بشعرري واغني ويه الاغنيـه فـ تعبت خليت ورحت يم ورده اشوف التصوير واتأكد منـه حلوو لو لااا هستوني داكلهه وينه جهازي كالت اول مابديتي تركصين انقفل ومكدرت افتحه ولا ارجع اصيحج صورت بجهازي كتلهه عادي يحبيبي شسالفه خل انطيج الواتس ودزيلي كالت تمام فـ دزتلي الصور والفيدوهات ع الواتس والتصوير يجنننن مبينه تعرف تصور وكل شويه تقرب ع خصري لوو ع عيوني وتصويرهاا يشگ فـ كتلهه كومي صوريني ويه شموس الله عليج ضحكت وكامت وبدينه نصور اني وشموس وسوينه الترند مال ابوسهاا وتاخذ صوره وترجع هيه تبوسني وهمات تاخذ صوره ونخلي الصورتين سوه وحبيت الصور بالذات ويه شموس طالعه تخببببببل فـ شويه وسرو رجعت كامت تركص بس ع كيف 😂 وكل شويه شموس تصيحها لو ام شمس يخافن عليهـاا اما اني كل شويه اكوم اركص واتعب واكعد استراح وارجع اگوم وماما كامت تركص وياي وام شمس وسحر وخالاتي وبنات خالاتي البقيه شويه شويه كلهااا كامت لحدد ما صاحتني ام ملهـم وكالت يمه تعالي يمي كتلهه هلا خالـه فـ كعدت كالت يمه انتي تدرسين شنوو ؟ كتلهه لااا خالـه اني كملت سادس وصار سنتين كاعده كالت شعجب ما قدمتي كليه كتلهه ضروف بالبيت وماكدرت اكمل ( ماقدمت لان ماكدرت اخلي ماما وحدها بالبيت وكالمره عموو يعاركنه لو ولده وعلمود ماما أجلت ) ماكدرت اكلهه اكتفيت وكتلهه ضروف كالت ها يمه زين شكد عمرج كتلهه 22 كالت فدوه صلوات ع محمد ع جمالج كتلهه فدوه لعيونج الي تشوف اما ورده تباوع علينه بفرحه فـ كالت خاله وين امج كتلهه ذيج الي شعرهاا اصفر ( وفعلا ماما صغيره مو كولش جبيره وفاتحه شعرها اشگر ) ابتسمت وكالت يمه خوات ما عبالك امج ضحكت وكتلهه يي فـ كمت وشفتها راحت يم ماما مدري شنوو تحجي وياهاا وورده راحت وياها واني مدري ليش عيوني عليهم واستغربت من شفت ورده انخطف لونهه وتباوع لامهااا بعصبيه يااا شكو ؟ شبيهاا ؟ جان تجي طفله كالت منو ورده اخوهاا يصيحهاا ......

آلِــ عِــنِـــود 🎀

Open In TikTok:

Region: IQ

Sunday 27 September 2026 19:00:00 GMT