@aynalem225: "የእናት ዕንባ ታብሷል "ታዳጊዋ ማዕዶት ካንሰርን አሸንፋ ተመለሰች🌟🇪🇹 *በከባድ የደም ካንሰር (Leukemia) ህመም ስትሰቃይ የቆየችው የ10 ዓመቷ ታዳጊ ማዕዶት፣ በህንድ ሀገር ላለፉት 18 ቀናት ስትከታተለው የነበረውን የላቀ ዘመናዊ ህክምና አጠናቃ ከበሽታው ሙሉ በሙሉ ነፃ መሆኗ ተረጋግጧል። ታዳጊዋ በህክምና ባለሙያዎች የተሰጣትን ከካንሰር ነፃ መሆን የሚያረጋግጥ የህክምና የምስክር ወረቀት በመያዝ ሰሞኑን ወደ ሀገሯ ተመልሳለች።ማዕዶት ከዚህ ቀደም በኮሜዲያን እሸቱ መለሰ በሚዘጋጀው «ድንቅ ልጆች» (Donkey Tube) ፕሮግራም ላይ ቀርባ ባደረገችው ጥሪ፣ የኢትዮጵያ ህዝብ ለህክምናዋ መሳካት በአጭር ጊዜ ውስጥ ሰፊ የገንዘብ ማሰባሰብ ድጋፍ ማድረጉ ይታወሳል። የ«ድንቅ ልጆች» ዝግጅት የሕፃኗን የህክምና ፍላጎት ለሕዝብ በማድረስ እና አስፈላጊውን ድጋፍ በማስተባበር ረገድ ቀዳሚውን ሚና ተጫውቷል።በሀገር ውስጥ ስትከታተለው የነበረውን የኬሞቴራፒ ህክምና አጠናቃ በህዝብ ትብብር ለተሻለ ምርመራ እና ህክምና ወደ ህንድ ያቀናችው ማዕዶት እዚያም በተደረጉላት ተከታታይ ዘመናዊ ምርመራዎች በሰውነቷ ውስጥ የነበረው የካንሰር ህዋስ (Cancer cells) ሙሉ በሙሉ መጥፋቱ በህክምና ሰነዷ ላይ ሰፍሯል። ይህ የጤና መሻሻል ውጤት ሊገኝ የቻለው በሀገር ውስጥ እና በውጭ ሀገር የሚኖሩ በርካታ ኢትዮጵያውያን ለታዳጊዋ የህክምና ወጪ ባደረጉት የተቀናጀ የገንዘብ፣የሞራል እና የጸሎት ድጋፍ እንደሆነ ተገልጿል። የካንሰር ህክምና ከፍተኛ ወጪ የሚጠይቅ እና አድካሚ ቢሆንም የህብረተሰቡ ፈጣን ርህራሄና መተጋገዝ ለሂደቱ መሳካት ትልቅ አቅም ሆኗል። ወደ ሀገሯ ስትመለስ በቤተሰቦቿ፣ በኮሜዲያን እሸቱ መለሰ እና በ«ድንቅ ልጆች» የስራ ባልደረቦች ደማቅ አቀባበል የተደረገላት ሲሆን በተለይም የልጃቸውን መፈወስ የሰሙት የማዕዶት እናት የተሰማቸው የእናትነት የደስታ ዕንባ በአቀባበሉ ላይ የነበሩትን ሁሉ ልብ የነካ ነበር። ታዳጊዋ በአሁኑ ወቅት በጥሩ ጤንነት ላይ እንደምትገኝ ለማወቅ ተችሏል። የማዕዶት ከህመሟ ማገገም በአሁኑ ወቅት በተመሳሳይ የጤና እክል ውስጥ ለሚገኙ በርካታ ህፃናት እና ቤተሰቦቻቸው ተስፋ ሰጪ ምሳሌ ከመሆኑም በላይ፣ የኢትዮጵያ ህዝብ ለበጎ ተግባር ያለውን ትብብር በድጋሚ ያሳየ ክስተት ሆኖ ተመዝግቧል። (ethiopianservice) #CancerFree #EthiopianUnity #child #strongwomen

Aynalem Bezabh

Open In TikTok:

Region: ET

Sunday 27 September 2026 19:12:28 GMT