1. ДӘРЕТ ПЕН НИЕТ Құран оқыр алдында дәрет алып, жүзді Құбылаға қарату — әрі сүннет, әрі құрмет. Ниет ТЕК АЛЛАҺ РИЗАЛЫҒЫ ҮШІН болуы шарт. 2. СҮРЕЛЕРДІҢ КЕЗЕК ТӘРТІБІ Сүрелерді Құрандағы ОРНАЛАСУ РЕТІМЕН оқу керек: Әл-Фатиха → Бақараның алғашқы 5 аяты → Аят-аль Курси → Әманарасул → Әл-Мүлкі → Ықылас (3 рет) → Әл-Фалақ → Ән-Нас. 3. АЛЛАҒА МАДАҚ ПЕН САЛАУАТ Сүрелерді оқып болған соң дұғаны бірден бастамай, әуелі АЛЛАҒА МАДАҚ (шүкіршілік) айтып, Пайғамбарымызға (ﷺ) САЛАУАТ жолдау — дұғаның қабыл болуының басты әдебі. 4. САУАПТЫ БАҒЫШТАУ РЕТІ Дұға жасағанда ең әуелі Пайғамбарымызға (ﷺ), сосын барша мұсылмандарға, содан кейін ғана марқұмдардың рухына бағыштайды. 5. РАББӘНӘ ДҰҒАСЫМЕН ҚОРЫТЫНДЫЛАУ Дұғаның соңында екі дүниенің жақсылығын сұрайтын қасиетті «Раббәнә әәтинә...» аятын оқып, «Әмин» деп бет сипау — Пайғамбарымыздан қалған көркем әдеп. ----------------------- ДҰҒА: «Әлхамдулилләһи Раббил-ъәәләмиин! Йә, Раббым, Өзіңе сансыз ШҮКІРЛЕР МЕН МАҚТАУЛАР БОЛСЫН! Сен бүкіл әлемнің Жаратушысысың! Аллаһуммә салли ъаләә Мухаммәдін уә ъаләә әәлі Мухаммәд. Йә, Раббым! Осы оқылған қасиетті аяттардың сауабын Пайғамбарымыздың ﷺ және барша дүниеден өткен мұсылман марқұмдардың, соның ішінде өзімнің дүниеден өткен туыстарым мен жақындарымның [ОСЫ ЖЕРДЕ ӨЗ МАРҚҰМДАРЫҢЫЗДЫҢ ЕСІМДЕРІН АТАҢЫЗ] рухына жеткізгейсің! Олардың жатқан жерін ЖӘННАТ БАҚШАЛАРЫНАН қылғайсың! ТОПЫРАҚТАРЫН ТОРҚА, ҚАБІРЛЕРІН НҰРЛЫ ЕТКЕЙСІҢ! Біліп-білмей істеген күнәларын кешіріп, рақымыңа бөлегейсің. Отанын қорғау жолында қаза тапқан әскери бауырларымыздың, батыр сарбаздарымыздың ШӘҺИДТІГІН ҚАБЫЛ ЕТІП, ҚАБІР АЗАБЫНАН ЖӘНЕ ТОЗАҚ ОТЫНАН САКТАҒАЙСЫҢ! Аллаһуммә салли ъаләә Мухаммәдін уә ъаләә әәлі Мухаммәд. Кәмәә салләйтә ъаләә Ибраһимә уә ъаләә әәлі Ибраһимә иннәкә хәмидун мәжид. Раббәнә әәтинә фид-дүниә хәсәнәтән уә фил-әәхирәти хәсәнәтән уә қинәә ъазәәбән-наар. ӘМИН.» ------------------------------ Дүние кезек. Бүгін біз бармыз, ертең біз де марқұмдардың қатарына қосыламыз. Осыны жиі ойлап, өткендерді еске алып тұру — тірілердің міндеті. Марқұм болған жақындарымыз бізден мал-мүлік, дүние сұрамайды. Олардың рухы біздің бағыштаған бір ауыз Құранымыз бен шын жүректен шыққан дұғамызға мұқтаж. Дүниеден озған жақындарымызды, ата-бабаларымызды және Отан қорғау жолында қаза тапқан сарбаздарымызды дұғада ұмытпайық. Олар біздің дүние-мүлкімізге емес, бағыштаған бір ауыз Құранымыз бен шын жүректен шыққан дұғамызға мұқтаж. Бұл пост әр мұсылман бауырымызға әдепті еске салатын көркем насихат болсын. Аллаһ Тағала дүниеден өткендеріміздің рухын жәннаттық қылғай. 🤲🏻✨ #насихат #құранбағыштау #дұға #мүліксүресі #ескеалу - @gtc_alma