@userj3k973ulph: واحد من أعمق المفاهيم الممكن تريحك في حياتك القناعة التامة بإنك مستحيل تعجب كل الناس، وعمرك ما حتقدر ترضي الجميع. نفس الحركة العملتها ونفس الكلمة القلتها ممكن زول يشوفها قمة اللذاذة والأدب وزول تاني حبه ينزعج منها ويشوفك بتبالغ. في ناس قلبها مليان حنية.. لو غبت منهم شهر وجيت بفتحوا ليك أيدينهم وبفتشوا ليك العذر قبل يسألوك وفي ناس لو وقفت معاهم سنين وقصرت في يوم واحد يمسحوا كل الفات ويبيعوك في لحظة. - الفكرة وين؟ الفكرة إنو المعاملة ورؤية الناس ليك غالباً ما عندها علاقة بيك إنت شخصياً. دي انعكاس للداخل جواهم هُم. الزول النضيف من جوة بشوفك سمح حتى في شقاوتك والزول الخربان من جوة حيشوفك شين حتى لو هديتو جبل دهب. عشان كدا، ريّح بالك وتجاوز. ما تستهلك طاقتك في تبرير مواقفك ولا تحنس زول عشان يفهمك صح. عش بصفاء نية خالي من الغل وما تظلم زول. #على_درب_الريـدة_نكتُب وأهم حاجة: خليك متصالح مع روحك وراضي عن نواياك لأنو البحبك بقلبو حيشوف نورك حتى لو الدنيا ظلام.