@qafqazinfo.az: 2023-cü ilin mayında Abşeronun Novxanı kəndindəki bağ evində qə*tlə yetirilən plastik cərrah Türkan Gündüzün qızı Halime atalığından şikayətçidir. O, video paylaşaraq q*tli törədən və hazırda həbsdə olan atalığı Muhammet Gündüzün onu narahat etdiyini, anasından qalan əmlakları əlindən almaq istədiyini deyib. Gözyaşları içində video yayımlayan gənc qız tibb təhsili aldığını və yeganə gəlir yerinin həmin əmlakların icarəsindən gələn pul olduğunu deyib: “3 ildir anamın acısını yaşayım, yoxsa məktəbimi oxuyum, bilmirəm. Anamın istədiyi kimi məktəbimi oxuyum qurtarım, Azərbaycanda xeyirxah bir həkim olum, bilmirəm, bunu eləyə bilmirəm. Çünki bunlar imkan vermir (red-atası Muhammet Gündüz və onun ilk evliliyindən olan qızı Büşranı nəzərdə tutur), kirayə verdiyim evə girirlər, vəkil vasitəsilə kirayənişinlərimi narahat edirlər. Mən haradan pul qazanmalıyam? İki yerdən qazancım var: Türkiyədən və Azərbaycandan. Ancaq bunlar imkan vermirlər. Anamı ö*dürüb mənə dağ çəkməsi yetmirmiş kimi, ondan qalan mirasları öz qızının (red-ögey bacısı Sibel Gündüzü nəzərdə tutur) adından ələ keçirmək istəyir. Halbuki anamı elə balaca bacımın gözləri qarşısında ö*dürmüşdü, o hər şeyi görmüşdü, aylarla danışa bilmirdi qorxusundan. İndi də anamdan qalan əmlakdan aldığımız pulu bizə çox görür”. Şikayətçi anası ilə atalığının evlilik dövründə əldə edilmiş əmlaklarının bölündüyünü, bunun ədalətsiz olduğunu da deyib.

QAFQAZİNFO

Open In TikTok:

Region: AZ

Monday 28 September 2026 07:52:20 GMT