മയക്കു മരുന്ന് കേസിൽ സൗദി ദമാമിൽ വധ ശിക്ഷക്ക് വിധേയനായ അബൂട്ടിയെ കുറിച്ച് ഒരു സുഹൃത്തിൻ്റെ കുറിപ്പ്..🫵 വർഷങ്ങൾക്ക് മുമ്പ് ഒമാനിൽ ഒരു മൊബൈൽ കമ്പനിയിൽ ജോലി ചെയ്തപ്പോൾ നമ്മുടെ ഷോപ്പിലടക്കം ഫോൺ ഡെലിവറി ചെയ്തിരുന്നത് അബൂട്ടിയായിരുന്നു. ഓർഡർ അനുസരിച്ചു ആഴ്ചയിൽ രണ്ടോ മൂന്നോ ദിവസമെങ്കിലും വരാറുണ്ട്. കാണാറുണ്ട്. കൂടുതൽ ഒന്നും സംസാരിക്കാത്ത ഒരു പാവം മനുഷ്യനായിട്ടാണ് തോന്നിയത്. അത് കൊണ്ട് തന്നെ വലിയ അടുപ്പമോ പരിചയപ്പെടലോ ഉണ്ടായില്ല. പിന്നീട് അവിടെ നിന്ന് മറ്റൊരു ജോലിയിൽ പ്രവേശിച്ചതയാണ് അറിയാൻ കഴിഞ്ഞത്. ഇങ്ങനെ ഒരു കേസിൽ പിടിക്കപ്പെട്ട വാർത്ത അറിഞ്ഞിരുന്നു. അത് ഇങ്ങനെ വധ ശിക്ഷയിൽ എത്തുമെന്ന് ഒരിക്കലും പ്രതീക്ഷിച്ചില്ല. ഇങ്ങനെ ഒരു കേസിൽ പെട്ടത് കൊണ്ട് തന്നെ ഇവിടത്തെ നിയമം വെച്ച് അതിന്റെ പിന്നാലെ പോവാൻ ആരും തയ്യാറാവില്ല. കാരണം പോവുന്നവരും പിന്നെ അകത്തു കിടക്കേണ്ട അവസ്ഥ വരും. ഈ വാർത്ത അറിഞ്ഞത് മുതൽ അവന്റെ സുഹൃത്തുക്കളിൽ നിന്നും കേട്ടത് അബൂട്ടി ഇതിൽ പെട്ട് പോയതാണെന്നാണ്. കാരണം ഒമാനിൽ നിന്നും ഒരു വാഹനം സൗദിയിൽ എത്തിച്ചാൽ കിട്ടുന്ന തുകക്ക് വേണ്ടി അവൻ അതിനു തയ്യാറായെന്നാണ് അറിയാൻ സാധിച്ചതും. പക്ഷെ ഡബിൾ ടാങ്കുള്ള വാഹനത്തിന്റെ ഒരു ടാങ്ക് മുഴുവൻ മയക്കുമരുന്നാണെന്നും ഏകദേശം 43 കിലോയോളം ലഭിച്ചുമെന്നാണ് വാർത്തകളിൽ അറിയാൻ സാധിച്ചത്. അബൂട്ടി അത് അറിഞ്ഞിരിക്കുമോ അറിയാതെ പെട്ട് പോയതാണോ എന്നത് പടച്ചവനും അവനും മാത്രം അറിയുന്ന കാര്യമാണ്. സൗദിയിലെ നിയമമനുസരിച്ചു അവരുടെ രാജ്യത്തു നിരോധിക്കപ്പെട്ട വസ്തുക്കൾ ഇത്രയും അധികം കടത്താൻ ശ്രമിച്ചാൽ പിന്നെ വധ ശിക്ഷ തന്നെയാണ്. നിരപരാധിയാണെങ്കിൽ പോലും തെളിവുകൾ ഇയാൾക്ക് എതിരാണെങ്കിൽ പിന്നെ അത് അനുഭവിക്കുകയല്ലാതെ മറ്റൊരു വഴിയുമില്ലലോ. എന്തായാലും അള്ളാഹു മഗ്ഫിറത്തും മർഹമത്തും നൽകട്ടെ. ഇന്ന് വാർത്ത കണ്ടത് മുതൽ വല്ലാത്ത ഒരു സങ്കടം തോന്നി. കാരണം മരിച്ചിട്ടും ചിലർ വീണ്ടും വീണ്ടും കമന്റിട്ട് കൊല്ലുകയാണ്. വാഹനത്തിൽ അങ്ങനെയൊരു സാധനം ഉള്ളത് അവൻ അറിയാതെ സംഭവിച്ചതാണെങ്കിൽ എന്നൊരു തോന്നൽ മനസ്സിനെ വല്ലാതെ അലട്ടുന്നു . അറിഞ്ഞു കൊണ്ട് ഇതിനു തയ്യാറായതാണെങ്കിലും ജീവിതത്തിന്റെ പ്രയാസങ്ങളിൽ സാമ്പത്തിക പ്രശ്നങ്ങളിൽ പെട്ടെന്ന് കരകയറാനുള്ള ശ്രമം തന്നെയാവും അതിനു ഒരു ന്യായികരണവും അർഹിക്കുന്നില്ല. പ്രിയപ്പെട്ട പ്രവാസികളോടാണ്. നാട്ടിൽ നിന്ന് ആയാലും വിദേശത്തു നിന്നായാലും എന്തൊരു സാഹചര്യം മുന്നിൽ വന്നാലും ഇത്തരം സാഹചര്യങ്ങളിൽ പെടാതിരിക്കാൻ ശ്രദ്ധിക്കുക. നാട്ടിൽ ഒരുപക്ഷെ നിങ്ങൾക്ക് കുറച്ചു കാലം ജയിൽ ശിക്ഷ കഴിഞ്ഞു പുറത്തിറങ്ങാൻ സാധിച്ചേക്കാം. വിദേശത്തു ഇതിനു ഇറങ്ങുന്നത് ആത്മഹത്യക്ക് തുല്യമാണ്. സാമ്പത്തിക പ്രയാസങ്ങൾ മറികടക്കാൻ പല വഴികളും മുന്നിൽ വരും. അതിൽ നേരായ മാർഗത്തിൽ മാത്രം മുന്നോട്ട് പോയാൽ ജീവിതത്തിൽ സമാദാനം ലഭിക്കും. വീട്ടിൽ കാത്തിരിക്കുന്ന മാതാപിതാക്കൾ, സഹോദരങ്ങൾ , ഭാര്യമക്കൾ ഇവരൊക്കെ അത്തരം സാഹചര്യത്തിൽ മനസ്സിൽ വരട്ടെ . പെട്ടെന്ന് ക്യാഷ് ഉണ്ടാക്കാൻ പലവഴികളും നമ്മെ തേടി വരുമ്പോ അതിൽ ഒളിഞ്ഞിരിക്കുന്ന ചതികളും ചിലപ്പോൾ നമ്മൾ അറിയാതെ വരും. സൂക്ഷിക്കുക. ഹലാലായ മാർഗത്തിൽ ലഭിക്കുന്ന പത്തു രൂപക്ക് അതിന്റെ വിലയുണ്ട്. നമ്മുടെ മക്കളും അത് ഭക്ഷിക്കുമ്പോ മാത്രമാണ് അവരും നേരായ മാർഗത്തിലേക്ക് മുന്നോട്ട് പോവുന്നത്. അല്ലെങ്കിൽ ഭാവിയിൽ അവരും ഇതുപോലുള്ള വഴികൾ സ്വീകരിക്കും . അബൂട്ടിയുടെ കുടുംബത്തിന് റബ്ബ് ക്ഷമ നൽകട്ടെ... ആമീൻ നൗഫൽനൗപ്പി ചിറ്റാരിപ്പറമ്പ് - @shareef604