@pomi.uz_daily: Ijtimoiy tarmoqlarda o‘zbekning milliy taomi palovning maxsus qadoqlarda, tayyor holda sotilayotgani aks etgan video tarqalib, ko‘pchilikning e’tiborini tortmoqda. Odatda oshni faqat katta qozonlarda ko'rishga o'rgangan xalqimiz uchun bunday qadoqlangan mahsulot o‘ziga xos ajoyib yangilik bo'ldi. Videolavhada dala sharoitida qadoqlangan palovni ochib, laganga solinayotganini aniq ko‘rish mumkin. Ustiga yirik harflar bilan "PLOV" deb yozilgan har bir paketda 330 grammdan tayyor osh bor. Videoda uchta shunday qadoq ochilib, jami salkam bir kilogramm palov to‘rt kishiga bemalol yetishi alohida ta'kidlangan. E’tiborli jihati shundaki, qadoqdan olingan palov yaxshilab aralashtirilganda o'z holiga qaytadi, go‘shtlari ham yetarli, eng muhimi esa qaynoq holatda. Pishiruvchi yirik go'shtlarni qo'lda maydalab yuboradi. "Sharoitimiz shu" degan samimiy so‘zlar orqali bu mahsulot sayohatda yoki ovqat tayyorlashga umuman sharoit yo'q joylarda qanchalik asqotishi ko'rsatib berilgan. Zamonaviy texnologiyalar yordamida tayyorlangan ushbu ixcham palovlar uzoq yo‘lga chiquvchilar, talabalar va sayohatchilar uchun juda qulay va to'g'ri yechim bo‘lishi endi hech kimga sir emas.

pomi.uz_daily

Open In TikTok:

Region: GB

Monday 28 September 2026 10:06:08 GMT