‎بۆ کۆتاهەمین جار هەوڵم بۆت دا ، دەمزانی هیچ ڕوو نادات ، دەمزانی بڕیار نییە هیچ گۆڕانکارییەک ڕوو بدات بەڵام ئەنجاممدا ، هەندێک قسەم لە نامەکانمدا بۆ نوسیویت کە هیچ کات بۆ هیچ کەسێک نەهاتوونەتە سەر زمانم ، غرورێکم شکاند کە چەندین ساڵ پارێزگاریم لێی کرد ، من هیچ کاتێک بۆ هیچ کەسێک و پەیوەندییەک بەم ڕادەیە نەجەنگاوم ، بەڵام ئەنجاممدا تاکوو ڕۆژێک شەرمەزاری دڵی خۆم نەبم ، من هیچ کات ناتبوورم ، لەبەر نیگەرانییەکانم ، لەبەر ئەو مرۆڤە باشانەی کە هاتنە سەر ڕێم و نەمتوانی خۆشم بوێن ، لەبەر ئەو خەم و ئێشەی لەناو ڕۆحما بنیادت نا ، لەبەر تەواوی ئەو بارانانەی کە بارین و چێژم لێیان نەبینی ، لەبەر ئەو ساتانە کە دەبوایە خۆشحاڵ بم بەڵام نەبووم ، لەبەر هەموو ئەو فرمێسکانەی کە لە چاوەکانم دانە دانە کەوتنە خوار ، ئێستا دڵم لەوە زیاتر بۆت تەنگ بووە کە بتوانم بە چەند ووشەیەک بیشارمەوە ، هەموو رۆژێک ڕووبەڕووی نەبوونیت دەبمەوە بەڵام هیچکات لەگەڵیدا ڕانایەم ، دەزانم حاڵی تۆ بەبێ من باشە ، دەزانم ژیانت بەردەوامە وە لەوانەشە تەنانەت هەست بە جێگای خاڵیم نەکەیت ، خۆزگە منیش وەک تۆ دەبووم ، خۆزگە منیش وەکوو تۆ دەمتوانی بە ئاسوودەیی بخەوم ، بە ئاسوودەیی پێبکەنم و بەبێ باکانە بەلای یادەوەرییەکانماندا تێپەڕ ببم ، بەڵام من هێشتا لەو ڕۆژانەدا جێماووم کە دەنگت ئارامی دەکردمەوە و هەبوونت هۆکاری زەردەخەنەکانم بوو ، ئەگەر ڕۆژێک پرسیارت کرد کە بۆچی ئەوەندە بێدەنگ بووم بزانە کە بێدەنگیم لەبەر بێ هەستیم نییە بەڵکوو لەبەر ماندوێتی دڵمە کە هێشتا خۆشیدەوێیت ، لەگەڵ هەموو ئەو شتانەشدا هێشتا هیوای دڵخۆشیت بۆ دەخوازم تەنانەت ئەگەر بەشی من لە تەواوی مەودای ئەم پەیوەندییەدا تەنیا ئەم دڵتەنگییە هەمیشەییە بێت ، ئێستا بمبینی نامناسیتەوە وەک بڵێی لە شەڕ گەڕابێتمەوە ، دڵێکی پارچە پارچە بوو ، غرورێکی بریندار ، مێشکێکی ئاڵۆز ، ئەمەم لە تۆوە بۆ مایەوە کە بانگەشەی ئەوەت دەکرد بە چاوەکانت گوایە خۆشت دەوێم ، بەڵام سەرت بڕیم ! ئەگەر ڕۆژێک هات و هیچ شتێکت لە منەوە پێ نەگەیشت تکایە ئەمەت بیر بێت .. من تۆم بە تەواوی بوونمەوە خۆشویست ، تۆم لە پێش هەموو شتێکەوە دانا بەشێوەیەک کە هەرگیز بیرت لەوە نەدەکردەوە کە من بتوانم بۆ کەسێک بەمشێوەیە بم ، ڕێگای زۆرم لەپێش بوو ، کەسانێکی زۆر هەبوون کە بتوانم هەڵیانبژێرم بەڵام لەنێوان هەموواندا تۆم هەڵبژارد ، هیواداریم نەبوونیم بتوانێت ئەو ئارامییەت پێ ببەخشێت کە هەبوونم هەرگیز نەیتوانی ، خۆشەویستییەکەم هەرگیز کامل نەبوو بەڵام ڕاستی نەبوو ، ئێستاش کە وازت لێ دەهێنم بەشێک لەبوونم هیوادارە کە خۆشبەختییەک بدۆزیتەوە کە من نەمتوانی بە تۆی ببەخشم ، ئەگەر ڕۆژێک بیرت کەوتمەوە هیوادارم گەرم و گوڕی قسەکانم بەبیر خۆت بهێنیتەوە ، پێکەنینەکانمان ، ئەو ساتە ئارامانەی کە نیازی بە هیچ قسەکردنێک نەبوو ، هیوادارم بزانیت کە تەنانەت لەناو ئەو بێدەنگیانەدا تۆم خۆشدەویست بەڵام هەموو کات نەمدەتوانی دەری ببڕم - @namakanm6