@gillybonny_tv: Makamu wa Rais wa Jamhuri ya Muungano wa Tanzania, Mheshimiwa Deogratius Ndejembi, amezitaka taasisi na mashirika ya umma kutumia nafasi walizonazo kuwaandaa vijana ili waweze kushindana katika soko la ajira nchini Tanzania, Afrika na duniani. Ndejembi ameyasema hayo wakati akizungumza katika hafla ya ufunguzi wa kikao kazi cha wenyeviti wa bodi na watendaji wakuu wa taasisi na mashirika ya umma (C-CEOs Forum) 2026, kilichofanyika katika Ukumbi wa AICC Arusha. Amesema kuna changamoto kwa wahitimu wanaotakiwa kuwa na uzoefu wa miaka kadhaa kabla ya kupata ajira, akieleza kuwa taasisi za umma zina nafasi ya kuwapa vijana uzoefu na ujuzi unaohitajika. “Graduate anaambiwa lazima awe na uzoefu wa miaka mitatu, miaka mitano... uzoefu huo ataupata wapi? Kama sisi kwenye taasisi zetu za umma hatutotumia taasisi zetu katika kuwaandaa vijana hawa ili waweze kuwa na uwezo wa kushindana katika soko la ajira la Tanzania, Afrika Mashariki, Afrika na duniani kwa ujumla” Aidha, Ndejembi amesema licha ya vijana 3,200 kuandaliwa kuingia katika soko la ajira, juhudi hizo bado haziendani na kasi inayohitajika katika kufikia malengo ya Dira ya Taifa ya Maendeleo ya mwaka 2050. Ameonya kuwa taasisi za umma zisipotumia nafasi walizonazo kuwaandaa vijana, taifa linaweza kupoteza nguvu kazi ya leo ambayo ni muhimu katika kufikia malengo ya maendeleo ya mwaka 2050.

Gilly Bonny Tv

Open In TikTok:

Region: TZ

Monday 28 September 2026 12:47:40 GMT