@cawabemedia_: Makamu wa Rais wa Jamhuri ya Muungano wa Tanzania, Mhe. Deogratius Ndejembi, amewataka viongozi wa taasisi za umma kupunguza matumizi yasiyo ya lazima na badala yake kuelekeza fedha katika kuwawezesha vijana kwa kuwajengea uwezo na kuwapa uzoefu utakaowasaidia katika maisha na ajira. Ndejembi ametoa wito huo leo, Septemba 28, 2026, wakati akifungua Kikao Kazi cha Wenyeviti wa Bodi na Watendaji Wakuu wa Taasisi na Mashirika ya Umma (C-CEOs Forum 2026), kilichofanyika katika Ukumbi wa Kimataifa wa Mikutano Arusha (AICC), jijini Arusha. Amesisitiza umuhimu wa taasisi za umma kutumia rasilimali walizonazo kwa ufanisi na kuhakikisha matumizi ya fedha za umma yanaelekezwa katika maeneo yenye manufaa kwa wananchi na maendeleo ya Taifa. Katika hotuba yake, Makamu wa Rais amesisitiza pia umuhimu wa kuwapa vijana fursa za kujifunza na kupata uzoefu kupitia taasisi za umma, akieleza kuwa uwekezaji katika uwezo wa vijana ni sehemu muhimu ya kujenga nguvu kazi yenye ujuzi kwa ajili ya maendeleo ya Taifa. C-CEOs Forum 2026 imewakutanisha viongozi wa taasisi na mashirika ya umma pamoja na wadau wengine kujadili namna ya kuongeza ufanisi, tija na mchango wa taasisi hizo katika utekelezaji wa Dira ya Taifa ya Maendeleo 2050.

cawabemedia

Open In TikTok:

Region: TZ

Monday 28 September 2026 12:58:33 GMT