@palae.palae54: မြန်မာနိုင်ငံမှာ ဗိုလ်ချုပ်အောင်ဆန်းကို ဝေဖန်တာဟာ စာရေးဆရာတစ်ယောက်အတွက် နိုင်ငံရေးအရရော၊ စီးပွားရေးအရပါ "ကိုယ့်သေတွင်း ကိုယ်တူးတာ" နဲ့ တူပါတယ်။ မြန်မာပြည်သူ အများစုက ဗိုလ်ချုပ်ကို သက်ဦးဆံပိုင်အဖြစ် ကိုးကွယ်ထားကြတာမို့ ဗိုလ်ချုပ်အမှားကို ရေးရင် အဲဒီစာရေးဆရာဟာ "အမျိုးသား သစ္စာဖောက်"၊ "လိုင်းပေါ်က အဆဲခံ" ဘဝ ရောက်ပြီး စာအုပ်လည်း မရောင်းရတော့ပါဘူး။ ဒါကြောင့် မိမိတို့ ဝမ်းရေးနဲ့ နာမည်ပျက်မှာ စိုးလို့ သိရက်နဲ့ ကောင်းကွက်ပဲ ကွက်ရေးကြတာ ဖြစ်ပါတယ်။ မြန်မာ့စာပေဟောပြောပွဲ ယဉ်ကျေးမှုမှာ ဟောပြောသူတွေဟာ ပညာပေးတာထက် လူထုရဲ့ စိတ်ခံစားမှုကို နှိုးဆွပြီး လက်ခုပ်သံယူရတာကို ပိုသဘောကျကြပါတယ်။ မြန်မာ့လူအဖွဲ့အစည်းဟာ အချက်အလက်နှင့် စနစ် ကို အခြေမခံဘဲ လူပုဂ္ဂိုလ်ကို အလွန်အမင်း ကိုးကွယ်တတ်တဲ့ အလေ့အထ ရှိတာကိုလဲ ပါးနပ်တဲ့ စာရေးဆရာများက သိကြပါတယ်။ ဦးနုအစိုးရဟာ ၁၉၄၇ ခုနှစ်မှာ "မြန်မာနိုင်ငံ ဘာသာပြန်စာပေအသင်း" (ယခု စာပေဗိမာန်) ကို တည်ထောင်ခဲ့ပါတယ်။ အစိုးရက ရန်ပုံငွေစိုက်ထုတ်ပြီး စာရေးဆရာတွေကို ဗိုလ်ချုပ်အောင်ဆန်း အတ္ထုပ္ပတ္တိတွေ၊ ဂုဏ်ပြုကဗျာတွေ ရေးခိုင်းခဲ့ပါတယ်။ အစိုးရအလိုကျ ရေးတဲ့စာအုပ်တွေပဲ စာပေဆုတွေရပြီး ပြဌာန်းစာအုပ် ဖြစ်ခွင့်ရခဲ့တာကြောင့် စာရေးဆရာတွေဟာ ဗိုလ်ချုပ်ရဲ့ ကောင်းကွက်တွေကိုပဲ ပုံကြီးချဲ့ ရေးခဲ့ကြရပါတယ်။ ထိုခေတ်က နာမည်ကြီး စာရေးဆရာအများစု (ဥပမာ- သခင်ကိုယ်တော်မှိုင်း၊ သိပ္ပံမောင်ဝ၊ မောင်ထင် စသူတို့) ဟာ လွတ်လပ်ရေး ကြိုးပမ်းမှုမှာ ဗိုလ်ချုပ်နဲ့အတူ ပါဝင်ခဲ့ကြတဲ့ မဟာမိတ်တွေ ဖြစ်ပါတယ်။ ဒါကြောင့် သူတို့ရဲ့ စာတွေမှာ ကိုယ့်ခေါင်းဆောင်ရဲ့ သမိုင်းအမည်းစက်တွေကို ချန်လှပ်ပြီး၊ အပြစ်ကင်းတဲ့ သူရဲကောင်းသဖွယ် အနေနဲ့သာ ဂုဏ်တင်ခဲ့ကြတာ ဖြစ်ပါတယ်။ နောက်ပိုင်း စာရေးသူ အများစုသည်လည်း ၎င်းတို့၏ ကိုယ်ပိုင်စီးပွားရေး၊ လူထု၏ လက်ခုပ်သံကို လိုချင်မှု၊ နှင့် တိုင်းပြည်၏ နိုင်ငံရေးအခြေအနေများကြောင့် သမိုင်းကို မှန်မှန်ကန်ကန် မချပြရဲဘဲ အပြစ်ကင်းစင်သော "နတ်သာပုံစံဘုရားလောင်း"သဖွယ် ပုံပြင်များကိုသာ ရောင်းစားနေကြခြင်း ဖြစ်ပါတယ်။ ဗိုလ်ချုပ်အောင်ဆန်းကို သိကြားမင်းလို၊ နတ်သားလို ကိုးကွယ်အောင် လုပ်ခဲ့တာဟာ ဦးနု စတင်ခဲ့တဲ့ နိုင်ငံရေး ဇာတ်ညွှန်း ဖြစ်ပြီး၊ စာရေးဆရာတွေက ဇာတ်ပို့အဖြစ် လိုက်ပါ ကပြခဲ့ကြခြင်း ဖြစ်ပါတယ်။ သူ့ကို သာမန်လူသားတစ်ယောက်လို အမှားအယွင်းရှိတဲ့ ခေါင်းဆောင်တစ်ဦးအဖြစ် ရေးသားခွင့်ပြုလိုက်ရင်၊ ၎င်းထူထောင်ခဲ့တဲ့ ဖဆပလအစိုးရရဲ့ တရားဝင်မှုပါ ပြိုလဲသွားမှာကို လွတ်လပ်ရေးရပီးစ အုပ်ချုပ်သူတွေက ကြောက်ရွံ့ခဲ့ကြတဲ့အတွက် ယနေ့တိုင် ဒီပုံရိပ်ကြီးကို ထိန်းသိမ်းထားကြခြင်း ဖြစ်ပါတယ်။ ခေတ်အဆက်ဆက် (အထူးသဖြင့် စစ်အစိုးရခေတ်များနှင့် ဒီမိုကရေစီအစိုးရ ခေတ်များအထိ) စာပေစိစစ်ရေးဟာ ဗိုလ်ချုပ်အောင်ဆန်းကို အားနည်းချက် ဖွေရှာဝေဖန်တဲ့ မည်သည့်စာအုပ်ကိုမဆို ပိတ်ပင်လေ့ရှိပါတယ်။ စာရေးဆရာအချို့သည် တိုင်းပြည်၏ ခေတ်အဆက်ဆက် ကြုံတွေ့ရသည့် စီးပွားရေး၊ လူမှုရေး ကပ်ဆိုးများနှင့် ကျရှုံးမှုများကို ဗိုလ်ချုပ်အောင်ဆန်း ပုံရိပ်နောက်ကွယ်တွင် ဝှက်၍ ရေးသားလေ့ရှိကြသည်။ ၎င်းတို့သည် နိုင်ငံ့ပြဿနာများကို စနစ်တကျ ဖြေရှင်းနိုင်မည့် နည်းလမ်း သို့မဟုတ် မူဝါဒပိုင်းဆိုင်ရာများကို မရေးဘဲ၊ "ဗိုလ်ချုပ်သာ အသက်ရှည်ရှည် နေသွားရရင် ဒို့တိုင်းပြည် ဒီလိုဖြစ်မှာ မဟုတ်ဘူး" ဆိုသည့် စိတ်ကူးယဉ် တွေးလုံးများကိုသာ ထပ်ဖန်တလဲလဲ ရေးသား‌နေကြပါတယ်။ ပြည်သူလူထု၏ နာကျင်မှု၊ ဆင်းရဲမှုကို အသုံးချကာ စာနာစိတ်အပေါ် အခြေခံပြီးနံမည်ကျော်ကြားမှုနှင့် စာအုပ်များ အမြောက်အမြား ထုတ်ဝေ ရောင်းချကာ ကိုယ်ပိုင်စီးပွားရေး အကျိုးအမြတ် ရယူကြခြင်း ဖြစ်သည်။ စာပေဟောပြောပွဲများ ခေတ်စားခဲ့သည့် ကာလတစ်လျှောက်တွင် ဟောပြောပွဲသမားအချို့သည် ဗိုလ်ချုပ်အောင်ဆန်းကို လူထုအကြိုက် ဆွဲဆောင်နိုင်မည့် "အမြန်ဆုံး ဖြတ်လမ်း" အဖြစ် အသုံးချခဲ့ကြသည်မှာ လက်တွေ့အမှန်ပင်ဖြစ်ပါသည်။ စင်ပေါ်တွင် စာပေအသိပညာ သို့မဟုတ် အနှစ်သာရရှိသော သမိုင်းဆွေးနွေးမှုများကို မလုပ်ဘဲ၊ ဗိုလ်ချုပ်အောင်ဆန်း၏ ရိုးသားမှု၊ ပဲပြုတ်နံပြားဇာတ်ထုတ်နှင့် အင်္ကျီအစုတ်ဝတ်မှု၊ စသည့် စိတ်လှုပ်ရှားဖွယ် ပုံပြင်ဆန်ဆန် ဇာတ်ကွက်များကို အသံနေအသံထားဖြင့် ချဲ့ကား ဟောပြောကြသည်။ ထိုသို့ လုပ်ဆောင်ခြင်းဖြင့် ပရိသတ်၏ လက်ခုပ်သံကို လွယ်လွယ်နှင့်ရကာ တစ်ရွာလုံး၊ တစ်မြို့လုံး၏ ချစ်ခင်မှုကို ခံယူပြီး ၎င်းတို့ကိုယ်တိုင် နိုင်ငံရေးအရ ပြည်သူဘက်တော်သားများအဖြစ် ပုံဖော်ကြသည်မှာလည်း အမှန်ပင်ဖြစ်ပါသည်။ အချုပ်အားဖြင့်ဆိုရသော် စာရေးဆရာအချို့(အများစု)သည် ဗိုလ်ချုပ်အောင်ဆန်းအပေါ် စစ်မှန်သော လေးစားမှုထက် ပြည်သူလူထု၏ "သူရဲကောင်း ငတ်မွတ်လွန်းနေသည့် စိတ်ခံစားချက်" ကို အစာကျွေးပြီး မိမိတို့၏ စာအုပ်ရောင်းအား၊ နာမည်ကျော်ကြားမှုနှင့် နိုင်ငံရေးအရ နေရာရမှုတို့အတွက် ဗိုလ်ချုပ်၏ ပုံရိပ်ကို အမြတ်ထုတ် ခုတုံးလုပ်ခဲ့ကြခြင်း ဖြစ်ပါတယ်ခင်ဗျာ။ #တော်ဝင်ဘားမား #သမိုင်းအမှန်ဖော်ထုတ်သူ #မြန်မာ့သမိုင်း

Royal Burma

Open In TikTok:

Region: MM

Monday 28 September 2026 13:36:56 GMT