@monotheistic_believer: Log aapke baare mein kya kehte hain, kya sochte hain, aapke saamne kya bolte hain aur aapki peeth peeche kya baatein karte hain, agar aap khud apni jagah sach par hain to in cheezon ko apne dil par haavi nahi hone dena chahiye. Kyun ke log na aapki asli izzat de sakte hain aur na hi aapki izzat ko apni baaton se cheen sakte hain. Izzat aur zillat dono Allah Ta'ala ke ikhtiyar mein hain. Kabhi aisa bhi hota hai ke koi shakhs aapke saamne achha ban kar baat karta hai, lekin aapki peeth peeche aapke khilaaf baatein, chaalein ya sazishen kar raha hota hai. Aise waqt mein har baat ka jawab dena ya har shakhs se ulajhna zaroori nahi. Agar aap sach par hain, to apna maamla Allah ke hawale kar dein. Jo baat aap se chhupi hui hai, Allah us se bhi be-khabar nahi. Is liye kuch logon se kinara kar lena, unse larne se zyada behtar hota hai. Har jang ladna zaroori nahi hota, kuch cheezein Allah par chhor dena hi sukoon hota hai. Aur maine kuch aise log bhi dekhe hain jo sab kuch jaante hue bhi khamosh rehte hain. Woh is liye nahi ke unhein haq aur ghalat ka pata nahi hota, balki kabhi woh sirf Allah ki raza ke liye kisi ki baat ko aage nahi barhate. Shayad duniya mein koi aapko ignore kar de, lekin yeh baat zehan-nasheen rakho ke Allah aapki kisi takleef, kisi aansu aur kisi na-insafi se ghafil nahi. Is liye kisi par be-wajah zulm, zyadti ya jhooti baat lagane se pehle hazaar baar soch lena chahiye. Kyun ke jis Rabb ke saamne aap doosron ke haq ko nazar-andaz kar rahe ho, usi Rabb ke saamne ek din aapko apne har amal ka jawab dena hoga. #znb_reflections #creatorsearchinsights #foreducationalpurposesonly #islamicfypシ゚viral🖤tiktok #islamicvid

سَادہ شَخصیت

Open In TikTok:

Region: PK

Monday 28 September 2026 14:34:15 GMT