@uhuruonline: #HABARI : MAKAMU wa Rais Deogratius Ndejembi, amezitaka Wizara ya Mipango na Uwekezaji, Fedha na Kilimo, ndani ya wiki mbili kuandaa mpango wa kuwawezesha vijana 10,000 kupata utaalamu na ujuzi utakaowaongezea tija katika shughuli za kiuchumi katika maeneo yao. Ndejembi amesema vijana hao wanapaswa kuwezeshwa kulingana na shughuli za kiuchumi zinazofanyika katika maeneo yao, ikiwemo kilimo cha korosho Mtwara, zabibu Dodoma na pamba katika maeneo yanayolima zao hilo. Amesema mpango huo utawasaidia vijana hao kupata ujuzi unaoendana na fursa zilizopo katika maeneo yao, hatua itakayowawezesha kujiajiri na kupata fursa za ajira. Ndejembi amesema ndani ya wiki mbili anatarajia kupokea mpango huo ili aweze kuwasilisha taarifa kwa Rais Dk. Samia Suluhu Hassan na kuanza utekelezaji wa mpango huo. Ndejembi ametoa maelekezo hayo leo, Septemba 28, 2026, akimwakilisha Rais Dk. Samia katika Kikao cha Wenyeviti wa Bodi na Watendaji Wakuu wa Taasisi na Mashirika ya Umma, kilichofanyika katika Ukumbi wa Mikutano wa Kimataifa (AICC), jijini Arusha. #uhuruonline #uhuruupdates

uhuruonlinetz_

Open In TikTok:

Region: TZ

Monday 28 September 2026 15:04:42 GMT