@3_1_3_le: يا ديرتي شصار بيج وشلون انعمت عين الكاع بلحظة تبدلت الملامح.. وصار الحجي بس للوداع دخانج غطه السمه.. وترابج خنك الصدور وين البيوت الجبيرة؟ ووين ذاك السور؟ طاحت مباني الأمل.. وصفت بس حفرة قهر وبين الركام تبجي ناس.. مكسورة من غدر الدهر أجه جايب وياه دمار.. يريد يذوقنا العذاب يكول السلام ما يجي.. إلا من بعد الخراب سوه الشوارع رماد.. وترك غصة بالكلوب عباله نستسلم بساع.. ونعوف هاي الدروب سكتة وخراب ونحيب.. وصيحة مفارك حبيب والجرح الما ينمحي.. جرح كلش غميج وعجيب الوجع صار أستاذ.. يدرس بدمع العيون والناس من هول الصدمة.. تاهت بيها الظنون تيهنا حتى العناوين.. وضاعت دروب السلف كلشي حلو بيها راح.. وكلشي غالي تلف بس ما درى هالكاع.. متعلمة على الجروح كلما يمرها طوفان.. ترد تبني الصروح وحق كل دمعة نزلت.. وحق ذيج التضحيات نرد نبنيها من الصفر.. ونداوي كلشي فات من تحت الأنقاض نطلع.. وتخضر الكاع بوردها والليالي السودة تنجلي.. ويروح من عدنا بردها احنا أهل الشدة والزود.. ما نطيح شما يصار والأمل يرجع ينبض.. ويطفي بالديرة كل نار #fyp #fypシ #viral #foryou #الشعب_الصيني_ماله_حل😂😂

3_1_3_le

Open In TikTok:

Region: IQ

Monday 28 September 2026 15:52:31 GMT