نازانم لە کوێوە دەست پێبکەم و چۆن ئەم هەموو ئازار و برینە قورسەی ناو دڵم بپێچمەوە لەناو دێڕەکاندام، بەڵام بڕیارم دا تەنها بۆ یەکجار و بۆ کۆتا جار پێت بڵێم؛ تۆ کە ڕۆشتی تەنها لە ژیانم دەرنەچوویت، بەڵکو هەموو هیوا و ئارامی و داهاتووی منت لەگەڵ خۆت برد و منی ماندووت سپارد بە دەست ڕۆژگارێک کە هیچ بەزەیییەکی بە مندا نایەتەوە، ئیستا لەم کاتە سەختەدا کە نەک تەنها دەستەکانم بێبەشن لە گەرمیی دەستی تۆ و خەیاڵت شەو و ڕۆژ لە کۆڵم نابێتەوە، بەڵکو ڕۆژگار ئەوەندە ڕووی ڕەشی تێکردووم کە تەنانەت دەستکورت و بێپاره کەوتووم و لە سەختترین ئاستی ڕووخاندام، لە هەموو کاتێک زیاتر تێدەگەم کە دنیای بێ تۆ چەند بێبەزەیی و سارد و تاریکە، زۆر قورسە لە یەک کاتدا تێکشکانی دڵت و ڕەقبوونی ڕۆژگارت بەرامبەر خۆت ببێنیت، کاتێک تەنهایی و هەژاری و خەمی ڕۆشتنی تۆ پێکەوە پەلاماری جەستە و ڕۆحم دەدەن و منیش هیچ چەکێک لە دەستمدا نەماوە بۆ شەڕکردن بەرامبەر ئەم هەموو ناخۆشییە بێجگە لە یادگارییە سووتاوەکانی تۆ، بێجگە لەوەی کە هەموو شەوێک تا بەیانی لەگەڵ وێنەکانتدا بدوێم و پرسە بۆ خەونە بەتاڵەکانم بگرم، تۆ هەنگاوت ناو بەرەو ژیانێکی نوێ و پشتی خۆت لە هەموو ئەو بەڵێنانە کرد کە ڕۆژێک لە ڕۆژان بە منت دابوو، منیشت لە ناوەڕاستی ڕێگاکەدا بێ پشتیوان هێشتەوە کاتێک کە زۆرترین پێویستیم بە تۆ و بە بوونت بوو، من لێرە لەناو ناخۆشترین و ساردترین کاتەکانی ژیانمدا شەڕ لەگەڵ تەواوبوونی تەحەمولم دەکەم، لە کاتێکدا جیهان و دەوروبەرم هەمووی پشتیان تێکردووم و تەنانەت توانای دابینکردنی بچووکترین پێداویستی خۆشم نەماوە و ئازاری بێپارەیی چۆکی پێ داداوم، هەموو چرکەیەک بێدەسەڵاتی خۆم دەبینمەوە و بە دیار داهاتووە نادیارەکەمەوە فرمێسکی حەسڕەت دەڕێژم، سەرم هەڵدەبڕم بۆ ئاسمان و لە ناوەوەمدا بەدەنگێکی کزەوە دەگریم، چونکە هیچ کەسێک نییە گوێ لە ئازارەکانم بگرێت و تێبگات چەندە ماندووم لەم ژیانە ڕەقە، ڕۆژ بە ڕۆژ تەنهایی لە جێگەی تۆ باوەشم پێدا دەکات و نەداریش وەکو دوژمنێکی سەرسەخت لە هەموو لایەکەوە ڕێگەم لێ دەگرێت، شەوان کاتێک جیهان خامۆش دەبێت و دەنگەکان دەبرێن، ئازاری بێدەسەڵاتی و خەمی جێهێشتنت دەبنە ڕەشەبایەک و هەموو لایەکی ژیانم دەتەکێنن، من لێرە تەواوی شەو بە دیار بێهیواییەکانی خۆمەوە بەئاگام و تۆش ڕەنگە لە خۆشترین خەودا بێت بێ ئەوەی یەک چرکە خەیالێک لە من بە مێشکتدا تێپەڕ بێت، دەستەکانم کە ڕۆژێک لە ڕۆژان هیوا بە دەستەکانت دەبەخشین، ئێستا ئەوەندە بەتاڵن کە تەنانەت بەرگەی سەرمای ئەم ڕۆژگارەش ناگرن، زۆر جاران لە خۆم دەپرسم ئایا دەبێت ڕۆژێک بێت تۆش وەک من تام بە ئازاری بێدەسەڵاتی بکەیت؟ ئایا بە خەیاڵتدا تێپەڕ دەبێت کە چیت بەسەر دڵێکدا هێنا کە جیا لە تۆ هیچ کەسی تر شک نابات لەم جیهانەپانەدا؟ کاتێک بە دەستی بەتاڵ و دڵی شکاوەوە بەجێت هێشتم و ڕۆشتی، تێگەیشتم کە بەڵێنەکانی مرۆڤەکان تا ئەو شوێنەیە کە بەرژەوەندییان تێیدایە، تۆ تەمەنێکی منت برد و تەنها برینت بۆ بەجێهێشتم، ئێستا نەک هەر خەمی دووری تۆ، بەڵکو قورسیی ڕۆژگار و سەختیی ژیانیش جەستە و ڕۆحم دەکڕوزێنێتەوە، هەمووان وا دەزانن من بێدەنگم چونکە ئازارم نییە، بەڵام نازانن بێدەنگیی من لەبەر ئەوەیە ئازارەکانم ئەوەندە گەورەن هیچ وشەیەک ناپێورێن، من لێرەدا تەنها و تەنها بە دیار دارووخانی خۆمەوە دانیشتووم و تەماشای ئەم هەموو بێڕەحمییە دەکەم، هەر ڕێگەیەک دەگرمە بەر بۆ ئەوەی دووبارە بپێمەوە هەستمەوە سەر پێ، ڕێچکەی سەختیی ژیان خێراتر دەمڕوخێنێت، ژیان ئەوەندە بێبەزەییانە لێم دەدات کە تەنانەت هیوا خواستنیشم لە یاد چۆتەوە، تەنانەت لە ناو جەنجاڵی جادە و کۆڵانەکانیشدا تەنها ڕووخساری تۆم دەێتەوە بەرچاو کە چۆن بێ باکانە پشتی منت تێکرد، بێئاگاهی لەوەی کاتێک تۆ تێر پێدەکەنی من لێرە لەناو تۆز و ئازاری بێپاریی و تەنهاییدا جەنگ لەگەڵ ژیان دەکەم، بەڵام بزانە هیچ ئازارێک لەوە قورستر نییە کاتێک لەوپەڕی بێدەسەڵاتیدایت و دەبینێت ئەو کەسەی هەموو دنیات بوو، بەبێ هەڵوێستە بەجێی هێشتوویت تا لەناو هەژاری و خەمدا بەتەنها تێکبشکێیت، لەگەڵ ئەوەشدا سەرەڕای هەموو ئەم ئازارانە و سەرەڕای ئەم هەموو ناخۆشییە سەختانەی تێیدام، دڵت خۆش بێت و بێخەم بە، من نەک هەر گازندە لە تۆ ناکەم و هیچ لەوانە بە ڕووتدا نادەمەوە، بەڵکو سکاڵا لە بەختە وێرانه و بێدەسەڵاتی خۆشم ناکەم، ناڵێم بۆچی دەستت بەردام کاتێک کە کەوتم و پشتیوانم نەبوویت لە کاتی تەنگانەدا، هیچ ناڵێم و هیوای خراپیشت بۆ ناخوازم لەم دنیایەدا، تەنها ئەم وشەیە و ئەم ئازارە قورسە دەهێڵمەوە بۆ ئەودنیایە و لەبەردەم پەروەردگاردا داوای حەقی ئەو هەموو ئازار و تەنهایی و شکانی دڵە دەکەم و تا مەعشەرەکەی خوا گلەی بێ✨💔،،، #foryou #luveran #tiktok #foryoupage - @luv.eran