Mükəmməl Merenqli Rulet Resepti Tərkibi: Merenq üçün: 6 ədəd yumurta ağı 400 qram şəkər tozu (mümkünsə narın/incə dənəli) Krem və İçlik üçün: 400–600 qram soyuq qaymaq 300 qram soyuq squşonka (qatılaşdırılmış süd) Təzə malina (moruq) Hazırlanması: 1. Su hamamı və Mikserlə çalma: Bir qaba qaynar su tökün və üzərinə daha qalın başqa bir qab yerləşdirin (su hamamı usulu). Qaba yumurta ağlarını və şəkər tozunu əlavə edib şəkər tam əriyənədək yaxşıca qarışdırın. Şəkər əridikdən sonra altdakı sulu qabı götürün və merenqi mikserlə mikserin ən yüksək sürətində çalmağa başlayın. Əl mikseri ilə çalındıqda bir qədər vaxt ala bilər. Videodakı kimi bərk və qatı konsistensiya alana qədər mikserlə çalın. 2. Bişirilməsi: Hazır merenqi sobaya serilmiş perqament kağızının üzərinə töküb hamarlayın. Əvvəlcədən 140–150 dərəcədə qızdırılmış sobada 50 dəqiqə bişirin. 50 dəqiqədən sonra sobanı açıb üstünə toxunaraq yoxlayın. Əgər qatılaşıb bərkiyibsə, hazırdır. Yaxşı bərkiməyibsə, bərkiyənədək sobada bir az da saxlayın. 3. Krem: Merenq bişənə qədər kremi hazırlayın. Orta qatılıqda keyfiyyətli qaymaq və squşonkadan istifadə edin. Həm qaymağın, həm də squşonkanın mütləq soyuq olması vacibdir. Yaxşıca mikserlə çalın. Əvvəlcə durulaşacaq, çalmağa davam etdikcə bərkiyəcək. (Qeyd: Resept müəllifi 600 qram qaymağa 300 qram squşonka əlavə edib. 400 qram qaymaq da kifayət edir). 4. Bükülməsi və Bəzədilməsi: Bişmiş merenqi çox olmamaq şərtilə bir az soyudun. Üzərinə perqament kağızı qoyub ehtiyatla tərs çevirin. Perqamenti çıxarın. Kremdən üzərini bəzəmək üçün bir az ayırın, qalanını merenqin üzərinə çəkin. Üzərinə malina (moruq) düzüb tez bir zamanda rulet şəklində bükün. Ayırdığınız kremlə ruletin üzərini bəzəyin. 5. Hazırladığınız merenqli ruleti 1 saat soyuducuda saxladıqdan sonra kəsib süfrəyə təqdim edə bilərsiniz. Nuş olsun! #kəşfət #asanresept #merenqaruleti - @ulviyyeqasimova4