@user1870145301093: حين ينكسر العهد ما بين حلاوة البدايات ووعود "الريدة" الصادقة، وبين برودة النظرات في قاعات المحاكم.. مسافة قاسية بتورّينا كيف القلوب بتتغيّر والعِشرة بتهون؛ لتذكرنا بهشاشة العلاقات الإنسانية إن لم تُسقى بماء التسامح. العيون بتدمع لما ندرك أن كل الوجوه المتعبة والعيون الشاردة التي تراها في أروقة المحاكم، كانت في يومٍ من الأيام تتشارك أصدق الضحكات وأعذب الوعود، لحدي ما نسوا في غمرة الفرح أن ربيع ودّهم لا يعرف الخريف أبداً. لكن رياح الخلافات متى ما هبت على أي علاقة "وما لقت البيصدها بحكمة"، تكبر كالنار في الهشيم. فتغير الكلمة الدافئة إلى محاضر باردة، وتخلي الذكريات الجميلة أدلة إدانة، ويصبح الود نفسو مجرد قضية تُتلى في ساحات المحاكم. إنها لغصةٌ كبرى ومفارقة عجيبة أن تنتهي أصدق المشاعر وتتحطم العهود الوثيقة عند أبواب المحاكم، فقط لأن قلباً تغيّر وعهداً انكسر. ولأن مسارات الحياة متقلبة، ولأن القلوب سريعة التأثر والتغير.. سبحان الله، الآية الكريمة دي بتفسر لينا النقلة العجيبة دي. ربنا سبحانه وتعالى لما قال: ﴿وَمِنْ آيَاتِهِ﴾، هو فعلاً بيوصف معجزة ربانية، حالة اندماج وتلاحم ما بتشبه أي علاقة تانية في الوجود. وكل ما كان القرب شديد والارتباط عميق، كل ما كان ألم الانسلاخ أقسى وأعنف. فإن العاصم الوحيد من هذا المآل الموحش هو نبل الأخلاق ورقة الطباع. لذلك، وفي زحام هذه الحياة ومشاغلها: * تفقدوا الأحباب: ولا تتركوا مسافات العتب تتسع لتبتلع كل جميل. * اجبروا الخواطر: بكلمة طيبة وعذرٍ ملتمس، فالقلوب الزجاجية إن تهشمت جرحت كل من حولها. * راعوا المودة: بالكلمة اللينة والتغافل الجميل، لتكون سياجاً يحميكم من قساوة الجفوة. وأخيراً.. وإن حالت الأقدار بينكم وبين من تحبون يوماً، وفرضت الحياة نار الفراق، فخلوا النهاية بأخلاق البدايات، ولا تنسوا الفضل بينكم. كسرة صغيرة : - #قالت ليهو ما تنعوج أنا حملي كلو علي قفاك...😢 ما تنتني كان اتكسرته بقع معاك...😔💔🍁 قال_ليها لا بنعوج لا بنكسر لا حيلي هش لا تنيه فيهو..🔐. انا ظهرك ألواقف عدييل عكازك المسنوده بيهو..🖇❤ ما داير أضوق فيگ الوجع إنتي الوجع ما بتشبهيو..🔑 ♥️ #د_بابكر_احمد

Dr.babiker Ahmed

Open In TikTok:

Region: SA

Monday 28 September 2026 19:03:09 GMT