Kabajamtoota dhaggeeffattoota keenyaa Godinaalee Oromiyaa Jahan haaraa hundeeffamanii fi Godinaalee duraanii isaan of jalatti haammatan kan isin biraan geenyu ta'aa hanga dhumaatti nu waliin turaa. Caffeen Oromiyaa yaa'ii duraa Waggaa 1ffaa Bara Hojii 7ffaa taa'een, sirna Bulchiinsa haaraatiin Godinaalee Oromiyaa 21 turan Gara Godinaalee Oromiyaa 6tti qooduun mirkaneesseera. Moggaasa Godinaalee haaraa kana keessaa Maqaan godinoota duraan turanii balleeffamuun, Maqaa kallattii argama Teessuma Lafa Oromiyaa jahan bakka buufameera. Godinoonni Jahan kunneenis Godina Giddu Galeessa Oromiyaa, Godina Lixa Oromiyaa, Godina Baha Oromiyaa, Godina Kibba Oromiyaa, Godina Kibba Lixaa Oromiyaa, Godina Kibba Bahaa Oromiyaa yoo ta'an Godinaaleen kun Godinoota duraan turan walitti dabaluun kan hundeeffame yoo ta'u. Haaluma kanaan Godinni Giddu Galeessa Oromiyaa Godinoota Shawaa Arfan jechuun Shawaa Kaabaa, Shawaa Bahaa, Shawaa Lixaa fi Shawaa Kibba Lixaa of jalatti kan haammatedha. Godinni Lixa Oromiyaa ammoo Godinaalee Wallaggaa arfan kan turan, Godina Wallaggaa Bahaa, Godina Qeellam Wallaggaa, Godina Wallagga Lixaa fi Godina Horroo Guduruu Wallaggaa kan of jalatti haammatedha. Akkasuma Godinni Kibba Lixaa Oromiyaa Godinaalee duraan turan sadi jechuun Godina Jimmaa, Godina Iluu Abbaa Booraa fi Godina Buunnoo Beddellee kan of jalatti haammatedha. Godinni Baha Oromiyaa ammoo Godinaalee Harargee duraan turan Lamaan Harargee Bahaa fi Harargee Lixaa kan Of jalatti haammatedha. Godinni Kibba Oromiyaa ammoo Godinaalee duraan turan Arfan jechuun Godina Booranaa, Godina Boorana Bahaa, Godina Gujii fi Godina Gujii Lixaa of jalatti kan haammatedha. Godinni Kibba Bahaa Oromiyaa ammoo Godinoota duraan turan Afur jechuun Godina Arsii, Godina Baalee, Godina Arsii Lixaa fi Godina Baalee Bahaa kan of jalatti haammate yoo ta'u Godinaaleen 6,n hundi Bulchiinsa garaagaraa itti waamamni isaanii Itti Aanaa Mootummaa Naannoo Oromiyaatiif ta'aniin kan bulan ta'uun ifoomeera. Caaseffamni Bulchiinsa haaraa kun sirrii moo sirrii miti jettu yaada keessan Comment taasisaa. - @abeebeekoluumedia