الحمدلله د الله تعالی شکر ادا کوم چې د خپل زوی عمر زیامل په شخصیت کې هغه ځانګړنې وینم چې د هر پلار لپاره د ویاړ ځای دی. عمر لا د عمر له پلوه ځوان دی خو فکر یې د خپل عمر نه ډیر لوړ دی او په خبرو او چلند کې یی پخوالی ښکاري. هغه د ژوند خبرې یوازې په احساس نه بلکې په فکر او حقیقت ارزوي. د خلکو خبرې اوري خو خپله پرېکړه په خپل عقل او تجربه کوي. ما په عمر کې یو داسې ځوان لیدلی چې د انسانانو احساسات ښه درک کوي، ژور فکر لري او د هر چا په اړه ژر قضاوت نه کوي. د ستونزې تر شا دلیل لټوي او کوشش کوي حقیقت له ظاهري خبرو جلا وپېژني. د هغه صبر، نرم اخلاق، د مشرانو احترام، د خلکو قدر او په سختو وختونو کې ځان کنټرولول هغه څه دي چې زه پرې ډیر ویاړم. البته دا هر څه په یوه ورځ نه دي جوړ شوي، زموږ د کورنۍ د کلونو زحمتونو، ستونزو، تجربو، دعاوو او روزنې هم پکې برخه شته. موږ همیشه دا غوښتل چې اولاد مو یوازې په علم او پیسو کې لوی نه شي، بلکې په شخصیت، اخلاقو او انسانیت کې هم لوی انسان شي. عمره ته لا ځوان یې خو زه په تا کې د یو لوی انسان د جوړېدو ډیرې نښې وینم. خپل لوړ فکر د تکبر سبب مه ګرځوه، خپل صبر مه بایله او حقیقت ته همیشه وفادار پاتې شه. ژوند به دې ډیر څه در زده کړي خو که اخلاق او انسانیت دې وساتل، هر ځای به د درناوي وړ یې. د پلار لپاره تر ټولو لویه خوشحالي دا ده چې په خپل اولاد کې هغه انسان وویني چې د جوړېدو لپاره یې کلونه زحمت ایستلی وي. الحمدلله زه نن په عمر کې د همدې زحمت یوه ښکلې پایله وینم. ❤️ “A father may smile through goodbye, but his heart quietly feels every mile between him and his son.❤️ - @nabiafghan005