”سڀاڻي منهنجو جنم ڏينهن آهي... ۽ مان چاهيان ٿي ته تون مونکي منهنجي پسند جو گفٽ ڏين.“ مون مرڪندي چيو: ”تون گهر، جيڪڏهن منهنجي وس ۾ هوندو ته ضرور ڏيندس.“ هن چيو: ”تون ڏئي سگهين ٿو... ايترو مشڪل به ناهي.“ مون چيو: ”هل ٺيڪ آهي، واعدو... مان توکي ڏيندس.“ پر شايد ان لمحي مون کي خبر نه هئي ته هوءَ مون کان ڪو عام تحفو نه، پر منهنجي دل جو سڀ کان ڏکيو واعدو وٺڻ واري هئي. هن منهنجو هٿ وڌيڪ مضبوطيءَ سان جهلي چيو: ”مون سان قسم کڻ ته مون کان پوءِ تون پنهنجي زندگي خوش ٿي گذاريندين.“ اهي لفظ ٻڌندي ئي منهنجي اندر ڄڻ ڪجهه ٽٽي پيو... مون سوچيو، جنهن انسان جي موجودگيءَ ۾ مون خوش رهڻ سکيو، اهو ئي اڄ مون کان منهنجي مستقبل جي خوشين جو واعدو گهري رهيو آهي. مان ڪيئن قسم کڻان؟ مان ڪيئن چوان ته تنهنجي وڃڻ کان پوءِ خوش رهندس؟ جنهن دل کي تنهنجي عادت پئجي وئي هجي، اها تنهنجي غيرموجودگيءَ ۾ خوشي ڪٿان ڳوليندي؟ مون هن جي هٿن کي ڏسندي دل ۾ سوچيو: ”تون ته مون کان تنهنجي پسند جو گفٽ گهري رهي آهين، پر تون ڇا ڄاڻين... مان ته پنهنجي سڄي زندگي تنهنجي نالي ڪري ويٺو آهيان.“ شايد سڀاڻي هن جو جنم ڏينهن هوندو، هوءَ منهنجي هٿن مان پنهنجو پسنديده گفٽ وٺندي، مرڪندي، ۽ شايد مون کي وري اهو قسم به ياد ڏياريندي... پر مون لاءِ اهو ڏينهن صرف هن جو جنم ڏينهن نه هوندو، اهو ان محبت جو به امتحان هوندو، جنهن ۾ مون کي پهريون ڀيرو پنهنجي محبوب جي خوشي لاءِ پنهنجي ئي دل کي خاموش ڪرڻو پوندو. ۽ جيڪڏهن ڪڏهن هوءَ پڇي: ”تون خوش آهين؟“ ته مان شايد مرڪي چوندس: ”ها...“ پر منهنجي اکين جي نمي ٻڌائيندي ته ڪڏهن ڪڏهن انسان ڪنهن سان ڪيل واعدو ته نڀائي ويندو آهي، پر ان واعدي کي نڀائيندي پنهنجي اندر هر روز ٿورو ٿورو مري ويندو آهي... #Trending #FYP #ForYou #tiktok#sadlines😥😥😥💔😭 - @muhjosain7