@olympianramyhelmy: في حاجة يمكن ناس كتير ما تعرفهاش عن حياة البطل... إن أصعب جزء أحيانًا مش البطولة نفسها. أصعب جزء هو الطريق اللي قبلها !! أنا فاكر مرة كنت مسافر بطولة، وكنت محتاج أخلص ورق من الجامعة علشان أقدر أسافر وأمثل الجامعة فى أولمبياد الجامعات ، روحت أخلص الإجراءات، قالولي: "فين الوصل الاحمر لدفع المصاريف؟!! متخيلين بجد !! قلت لهم: "أنا دافع أصلًا... ما تشوفوا على السيستم." قالولي: "السيستم واقع ولو مش معاك الوصل الاحمر مش هنديك الورقة ." وقتها سألت نفسي: هو أنا المفروض أحارب في البطولة... ولا أحارب علشان أعرف أوصل للبطولة ؟!! وده مش موقف بحكيه علشان أقول إن حد وحش أو جهة معينة مقصرة. أنا بحكيه علشان أتكلم عن مفهوم أكبر. البطل محتاج منظومة تساعده. لأنك لما يكون عندك شاب قضى سنين من عمره في التدريب، ضحّى بوقته، بتعليمه، بحياته الاجتماعية، وخاض منافسات علشان في النهاية يلبس تى شيرت عليه علم بلده ويمثلها قصاد العالم ... آخر حاجة المفروض تحصل إن طاقته تتستهلك في حاجات إدارية كان ممكن تتعمل بسهولة. الدعم مش بس مكافأة بعد الميدالية ( ده إذا أخدها يعنى ) الدعم الحقيقي إنك تساعده قبل الميدالية. تسهّل له الإجراءات. تحافظ على وقته. تساعده في التعليم. تسهّل سفره. وتخليه مركز في الحاجة الوحيدة اللي مطلوب منه يعملها... إنه يستعد !! أنا شفت في تجارب دول تانية إزاي المنظومة ممكن تشيل عن اللاعب جزء كبير من التفاصيل دي، علشان اللاعب يركز في المنافسة. وده مش رفاهية. لأن لما إتت بتسهّل طريق البطل، إنت مش بتدلّعه... أنت بتحافظ على استثمار سنين من عمره. وفي النهاية، البطل مش محتاج إنك تعمل له الطريق. هو أصلًا مستعد يمشي الطريق كله. هو بس محتاج... ما تحطش له حواجز مالهاش لازمة كل التوفيق للأبطال... رامى حلمى #olympian_ramy_helmy #arena_talk #دردشة_فى_البوكسنج #createsightsinsight
