@jamiivoice_: HABARI: Wananchi na wasafiri jijini Dodoma wamekumbwa na adha ya usafiri baada ya madereva wa mabasi yaendayo mikoani kugoma kutoa huduma leo, Septemba 29, 2026, wakidai Serikali haijasikiliza kero wanazokutana nazo katika utekelezaji wa majukumu yao. Madereva hao wamesema miongoni mwa changamoto zinazowakabili ni mfumo wa kukatwa pointi kwenye leseni za udereva, ambao wamedai hauko rafiki na umekuwa ukiwaathiri katika kazi zao. Aidha, wamedai kuwa wanakumbana na usumbufu kutoka kwa baadhi ya askari wa usalama barabarani wakati wakitekeleza majukumu yao. Madereva hao pia wamelalamikia mazingira ya ajira, wakidai kuwa wanapodai maslahi yao kwa waajiri, wakati mwingine huishia kuondolewa kazini. Kutokana na mgomo huo, wasafiri waliokuwa wakitarajia kusafiri kutoka Dodoma kwenda mikoa mbalimbali wamelazimika kukabiliwa na usumbufu wa usafiri.