@uraeldegu: ተወዳጆች ሆይ! ❓ጥያቄ፦ ጌታችን ኢየሱስ ክርስቶስ በቃና ዘገሊላ በሠርጉ ቤት እመቤታችንን «አንቺ ሴት፤ ካንቺ ጋር ምን አለኝ? ጊዜዬ ገና አልደረሰም» ማለቱ ምስጢሩ ምንድን ነው? መልስ፦ በዚህ ንግግር ውስጥ ታላቅ አምላካዊና ድኅነታዊ ምስጢር ተሸሽጓል፦ 1)«ከአንቺ ጋር ምን አለኝ?» ማለቱ፦ ተአምራት ማድረግና ውኃውን ወደ ወይን መለወጥ ከአባቱ ጋር ባለው መለኮታዊ ሥልጣን እንጂ በሰውነቱ ከእመቤታችን በወረሰው ድካም የሚደረግ ስላልሆነ «በአምላክነቴ ተአምር በማድረግ ሥራ ከአንቺ ጋር አንድነት የለኝም» ሲል ነው። 2) «ጊዜዬ ገና አልደረሰም» ማለቱ፦ ከአንቺ በወረስኩት ሥጋ ለዓለም ድኅነት የምሰቀልበት፣ ሥጋዬንና ደሜን የምቆርስበት፣ በሞቴም ዓለምን የማድነው እንደ ሰው ልጅነቴ የእኔ የሆኑትን መከራዎች የምቀበልበት ዕለተ ዓርብ (የቀራንዮ ጊዜ) ገና አልደረሰም ሲል የሞቱን ቀጠሮ ማመላከቱ ነበር። 3) ምስጢሩ የተገለጠበት መንገድ፦ በቃና ዘገሊላ «ጊዜዬ አልደረሰም» ያለው ቀጠሮ በቀራንዮ መስቀል ሥር ደረሰ። በቃና ዘገሊላ በሰውነቱ እንዳላወቃት ገልጾ የነበረውን አምላክ፣ በመስቀል ላይ ግን ከአንቺ በወረስኩት ሥጋ እሞታለሁና «እነሆ ልጅሽ» በማለት እናትነቷን አረጋግጦላታል። በቃና «ወይን የላቸውም» ብላ ለሰዎች ያሰበችው እመቤታችን፣ በቀራንዮ ደግሞ ልጇ ስለ ዓለም ድኅነት ክቡር ደሙን ፈስሶ ቅዱስ ሥጋውን ሰጥቷል። የእመቤታችን ፍቅር፣ ረድኤትና በረከት በሁላችን ላይ አድሮ ይኑር፤ አሜን! 🕊️🙏✨ ርዕሰ ሊቃውንት አባ ገብረ ኪዳን ❣️ ✍️ / ዑራኤል #f #fyn #tiktok #orthodox #tiktokviral

374

138

2026-09-29 15:38:10

To see more videos from user @uraeldegu, please go to the Tikwm homepage.