@the.sword111: قالوا تعلمت قلت عناد وفراسه أعاند النفس والدنيا وأصارعها وَدْرَسْت في مدرسة من شيّبت راسه دنيا العنا اللي قصيفاتٍ مطامعها تلميذها دايمٍ تكتب بقرطاسه وتعطيه جملة دروسٍ ما يضيّعها والله عطانا نظر وقلوب حساسة ناخذ علوم المعرفة من مراجعها ونساير الوقت ونقيسه بمقياسه ونوجّه النفس بالواقع ونقنعها وترى حياة الفتى مهما قوى باسه محفوفةٍ بالخطر والموت تابعها من مبتدا العمر حتى يلفظ أنفاسه يمر في مرحلة تكثر زوابعها أول حياة الفتى مشوار وعساسه مسافةٍ في عجاج العمر يقطعها وثاني حياة الفتى تدريب ودراسة تصعب ظروف الحياة وينشغل معها وثالث حياة الفتى يرجع على ساسه النقطة اللي بدا منها يراجعها يرجع لسن الهرم ويضيّع الطاسه ويزحف مع الأرض ويخطط شوارعها وليا تلاقت متونه وارتخى راسه ضاعت جميع العلوم اللي يجمعها

4867

397

2026-09-29 19:28:20

To see more videos from user @the.sword111, please go to the Tikwm homepage.