(عنون ماضی دے ڈکھ درد) ماضی دے ڈکھ درد وی عجیب ہوندن وقت گزر ویندے لیکن کجھ زخم اینجھے ہوندن جہڑے کئی سالیں دے بعد وی دل دے کہیں کونے اچ زندہ رہ ویندن کجھ یادیں کوں یاد کر کے اپنڑے آپ ہی کھل آ ویندی ہے اور کجھ یاداں اینجھا اذیت ناک ہوندن جیڑہاں خاموشی اچ کلہیپے اچ اکھیں نم کر ڈیندن اساں بظاہر زندگی اچ اگتیں ودھ ویندے ہیں لوکیں دے نال رہ کے کھلدے وی ہیں لیکن دل دے اندر کتھائیں نہ کتھائیں او پرانڑے ڈیہوار او بچھڑنڑ آلے لوک او ادھورے خواب او ترٹے ہوۓ وعدے اپنڑی جاہ تے قائم رہندن کڈاہیں کڈاہیں اچانک کوئی رستہ کوئی خوشبو کوئی پرانڑا گیت یا کہیں دا ناں ماضی دے تمام بند دروزے کھول ڈیندے آوندے بعد ولا اچانک یادیں دا ہک سیلاب دل اچ لہہ آندے انسان سوچیندے کہ جیڑہے لوکیں کیتے اوں اپنڑیاں دعائیں اپنڑیاں خوشیاں حتی کہیں اپنڑاں وقت وی قربان کر ڈتے اوہے لوک ہک ڈیہوار چھوڑ گئین اور گزریا ہویا ہک درد ناک ماضی بنڑ گئین کجھ درد اینجھے ہوندن جیندی دوا وقت وی نیں بنڑ سگدا او بس انسان دے مزاج دا ہمیشہ کیتے حصہ بنڑ ویندن ہنڑ تاں اے حال تھی گئے کہ ماضی دی ہر یاد ہک خاموش آہ بنڑ گئی ہے نہ کہیں کے کوئی گلہ ہے اور نہ کوئی شکایت بس دل اچ ہک ویرانی آباد ہے کڈاہیں کڈاہیں لگدے کہ زندگی جیڑہے سب توں وڈے سبق ڈتن او اوہے ماضی دے گزریے ہوئے ڈکھ ہائن اور اے درد اینجھے ہن جیڑہے ساری زندگی نال چلدے رہ ویسن تیڈا آفتاب تاں جیندا رہ ویسی لیکن میڈے دل دا ہک حصہ ہمیشہ ماضی دی کہیں سنسان گلی اچ بھٹکدا رہ ویسی تحریر لکھت آفتاب سنجرانی✍️@آفتاب سَنّجرانیٌ @I'Am Shahwar Sakhani - @shahwar.4