@maycherryzinzin: ရှင်မွေးလွန်းနဲ့ မင်းနန္ဒာ ပြဇာတ်ထဲက သီချင်းစာသားလေးကို နားထောင်မိတော့ တစ်ချိန်က ကိုယ့်ရဲ့အချစ်ကို ပြန်သတိရမိတယ်။ ချစ်ခြင်းတစ်ခုအတွက် အခက်ဆုံးအရာက မချစ်ရတာမဟုတ်ဘူး။ ချစ်ရက်နဲ့ မတွေ့ရတာ၊ တွေ့ချင်တဲ့အချိန်တိုင်း အနားမှာမရှိနိုင်တာ၊ လွမ်းတဲ့စိတ်ကို အဝေးကနေ ကျိတ်မှိတ်ပြီး ဖြေသိမ့်နေရတာမျိုး…။ ရန်ကုန်သားနဲ့ မန္တလေးသူမို့ အကွာအဝေးကြောင့် မတွေ့ရတဲ့နေ့တွေကို ယုံကြည်ခြင်းနဲ့ ဖြတ်သန်းရပြီး “မကြာခင်တွေ့မယ်” ဆိုတဲ့ စကားလေးတစ်ခွန်းကို မျှော်လင့်ချက်တစ်ခုလို ဖက်တွယ်ထားရတဲ့အချစ်။ ဒီသီချင်းစာသားလေးကြောင့် “သုံးလတစ်ခါတော့ အစ်ကို ဆက်ဆက်လာတွေ့ပါမယ် ညီမ” ဆိုတဲ့ စကားလေးကို ကျွန်မ ရင်ထဲမှာ ပြန်ကြားယောင်လာမိတယ်။ မင်းနန္ဒာလို တစ်နေ့တစ်ခေါက် မလာနိုင်ပေမယ့်… သုံးလတစ်ခါတော့ ရန်ကုန်ကနေ မန္တလေးကို အရောက်လာပေးခဲ့တာက ကိုယ့်အတွက်တော့ ဝေးခြင်းတွေကြားထဲက လုံလောက်တဲ့ နွေးထွေးမှုတစ်ခုပါပဲ။ အလွမ်းဆိုတာလည်း အချစ်ရဲ့ တစ်စိတ်တစ်ပိုင်းပဲလေ… မတွေ့ရတဲ့အချိန်တွေများလေလေ၊ တွေ့ရတဲ့အချိန်ဟာ ပိုတန်ဖိုးရှိလာလေလေ။ အကွာအဝေးဆိုတာ နှလုံးသားနှစ်ခုအတွက် မြေပုံပေါ်က အမှတ်အသားတစ်ခုသာဖြစ်တယ်။ တကယ်ချစ်မိတဲ့အခါ “တွေ့ကြမယ်” ဆိုတဲ့ ယုံကြည်ချက်က အဲ့ဒီအကွာအဝေးကို ကျော်လွန်နိုင်လောက်အောင် ခိုင်မာခဲ့တယ်။ ရှင်မွေးလွန်းလိုမျိုး မင်းနန္ဒာကို မျှော်ခဲ့ရတဲ့အချိန်တွေ၊ အလာနောက်ကျလို့ စိတ်ကောက်ခဲ့ရတဲ့အချိန်တွေ၊ အချော့ခံချင်လို့ မူခဲ့ရတဲ့အချိန်တွေ… တစ်ချိန်က အဲလို အမှတ်တရလေးတွေကို ပြန်တွေးမိရင်း ပြုံးမိတယ်။ အခုတော့…အကွာအဝေးတွေ မရှိတော့ဘူး။ “ဘယ်တော့လာမလဲ” ဆိုတဲ့ မျှော်လင့်ခြင်းတွေလည်း မလိုတော့ဘူး။ လွမ်းရတဲ့နေ့တွေကလည်း အတိတ်ထဲမှာပဲ ကျန်ခဲ့ပြီ။ ဘာလို့လဲဆိုတော့… အစ်ကိုနဲ့ နေ့ရက်တိုင်း အတူရှိခွင့်ရနေပြီလေ။ 🤍 အဝေးမှာနေပြီး မတွေ့ရတဲ့နေ့တွေကို အများကြီး ဖြတ်သန်းခဲ့ရလို့ “အနားမှာရှိခြင်း”ကို ပိုတန်ဖိုးထားတတ်ခဲ့တယ်။ တစ်ချိန်က ကိုယ်တို့နှစ်ယောက်ကြား အခက်ခဲဆုံးအရာက အကွာအဝေးဖြစ်ခဲ့ပေမယ့်… ဒီနေ့မှာတော့ အဲ့ဒီအကွာအဝေးတွေဟာ အတိတ်က အမှတ်တရလေးတစ်ခုသာ ဖြစ်နေခဲ့ပြီ။ တစ်ချိန်တုန်းက “တွေ့ကြမယ်” ဆိုတဲ့ စကားလေးကို မျှော်လင့်ရင်း ဖြတ်သန်းခဲ့ရပေမယ့်… အခုတော့ “အတူရှိနေတယ်” ဆိုတဲ့ ပျော်ရွှင်မှုလေးနဲ့ နေ့ရက်တိုင်းကို ဖြတ်သန်းနေပြီ။ အလွမ်းတွေက အတိတ်မှာကျန်ခဲ့ပြီး အခုတော့ အချစ်နဲ့ အနီးဆုံးနေရာမှာ အတူတူရှိနေပြီလေ။ 🤍 Diary by May 15/09/26 5:46 PM #ရှင်မွေးလွန်းနှင့်မင်းနန္ဒာ #အောင်ဇမ္ဗူဇာတ်သဘင် #အော်ပရာ #အမရပူရမြို့ #fypシ゚viral

Diary by May

Open In TikTok:

Region: MM

Tuesday 29 September 2026 11:21:29 GMT