@remiskitchen: خلطتين مش هتستغني عن وجودهم عندك في التلاجة 😍❤️ ينفعوا جنب الفطار، جنب المشاوي، مع الساندوتشات، أو حتى كطبق جانبي في أي وقت! 🍆 أول خلطة: خلطة تركية بالبتنجان المشوي هنحتاج: • 2 حبة بتنجان رومي كبيرة • 5 حبات فلفل أحمر بارد • 1 حبة فلفل حار • 4 حبات طماطم مقطعة مكعبات • 10 فصوص ثوم مفروم • ¼ كوب زيت زيتون • كزبرة مفرومة • 1 ملعقة كبيرة ملح • 1 ملعقة كبيرة خل • رشة فلفل أسود نشوي البتنجان والفلفل في الفرن حوالي 25 دقيقة، وبعد ما يبردوا نغطيهم عشان يسهل تقشيرهم. في طاسة سخنة نشوح الثوم مع زيت الزيتون، ونضيف الطماطم ونقلب لحد ما تتسبك. بعدها نضيف البتنجان والفلفل ونقلب الكل مع بعض حوالي 10 دقائق. نطفي النار ونضيف الكزبرة والملح والخل والفلفل الأسود ونقلب كويس. نحط الخلطة في برطمان معقم، ونغطي الوش بطبقة بسيطة من زيت الزيتون، وكل مرة ناخد منها بمعلقة نظيفة وجافة. 🧀 ثاني خلطة: خلطة الحلوم المشوي نقطع جبنة الحلوم مكعبات ونشويها في طاسة من غير أي دهون. نضيف عليها الطماطم المجففة المقطعة مكعبات، وعين الجمل المفروم، ونقلب كويس. لو عندك روزماري وزعتر ضيفيهم، ولو مش موجودين ممكن تستخدمي البهارات الإيطالي بدلهم. نحط الخلطة في برطمان معقم ونغمرها بزيت الزيتون، ونحفظها في التلاجة لوقت الاستخدام. وبس كده! 😍 خلطتين سهلين وطعمهم يفرق جدًا على السفرة. إنتِ تحبي تبدأي بأنهي واحدة؟ 🍆 ولا 🧀؟

6478

188

2026-09-29 14:52:54

2026-09-29 13:41:47

2026-09-30 07:03:02

2026-09-29 22:10:52

To see more videos from user @remiskitchen, please go to the Tikwm homepage.