رب اني مغلوب فانتصر بعد سالفه امس إلا تبي تثبت ان عندي فلوس وتبيني اطلعها كلها عشان ترتاح أنا معد اقدر اتحمل ارسلت لابوي الصباح يحول لي بعد سالفه اني ادفع بنزين وانا ماعندي راتب ولما رجعت البيت شكلها شافت الرساله مابي ادخل بذمتها راحت طلبتني الف ريال !!! بكل وساعه وجه تبي تعرف كم في حسابي بباي طريقه ورجعت تطلب اي مبلغ يعني اللي موجود عندك عطيني أنا الحين مرررره محتاجه😅 يارب يا كريم انت العالم بعدين لما شافت ما مني رجاء حولت لي ٥٠٠ ريال وتقولي بعد رجعيها إذا جاك راتب 😅 وتدق علي وترسل وانا بالدوام ومشغوله إلا ارد عليها بنفس اللحظه وهي ترسل وانا فاهمه خططها وألاعيبها هي تبي الحين تقول شوفي كيف رزيناك وخليناك ما ينقصك شي وانتي ما عندك راتب طيب مين اللي الصباح ورطني بدفع البنزين ومين اللي طلبني دجاج ومين اللي خلاني ادفع مقاضي البيت ؟ ليه مسويه نفسها بريئه وأنها قاعده تسوي لي خير والمفروض اشكرها وابوس يدها؟؟؟؟ غير انها فوق هذا كله ماسكه حساب اختي البنكي وتتحكم وتحول وتصرف منه وتحول لي منه وأختي عادي عندها ولما كنا عند بنات خالتي أنا حولت لأختي عشان تدفع العشا والبنات حولوا لها المبلغ ع أساس هي اللي تدفع ورجعت اسألها عن فلوسي تحولها نكرت وصارت تقول وش المشكله؟ واذا يعني ؟ زي اللي كانه من حقها ياللله يارب تنصرني على الظالم والحين لما شافتني ماعد رديت ع رسايلها صارت ترسل كل الحوالات اللي خذتها حتى الببسي والبطاطس ومسويه ان يعني الله يعيني عليك وان كان منظري اني أطالب بفلوس واني أنانيه ومريضه فلوس واستقصدت توريني كم في حسابها عشان تحس انها كلفت علي تحسب ماعرف عن حساباتها الثانيه وادخاراتها تفضي الحساب عشان يعني شوفي أنا مسكينه معد اعرف وش اسوي معاها ال ٥٠٠ هذه ابي أرجعها لها بس بنفس الوقت احسها من حقي واقل شي تسويه معاي خصوصا بعد ما كنت اعطي بالألف وهي تحاول تستفزني الحين وانا احاول مارد عليها ولا عرفت كيف ارد عليها وكيف أعطيها رد مناسب بدون اغلط بالكلام والله اني بالطريق من الدوام الحين وابكي ابكي ومكتومه من الوضع اللي عايشته تبي تنكد علي وانا مالي كم يوم متوظفه ومبسوطه حتى بالدوام مو قادره اركز بشغلي بس اسرح وأفكر بتصرفاتها واذا علمت عليها بيقولون هذا هي حولت لك مصروف ليش تحجدينها وبتقول أنا كنت مامزح معاك عشان اعرف كم ناقصك عشان احوله لك بتقلب الموضوع بتتلاعب بتطلع هي الضحيه وانا اللي كاني غلطت عليها ومو بس حولت لي لحالي حولت لأختي اللي اصغر مني محد فاهم هالتصرفات ليه وانا انتظر أقابل ابوي وادخله بالموضوع لان كفااايييه #نرجسية #نرجوسه #ام_نرجسية #معاناه - @user463608678