@alli72754: بتكون قاعد وسط الناس، بتضحك وبتونس عادي، وفجأة تحس إنك ما عايز تكون في المكان دا أصلًا.😪 ما في زول زعلك، ما حصلت مشكلة، وما عندك سبب واضح يخليك متضايق… بس نفسك تقعد براااك.🙇‍♀️😔 تفتح التلفون، تقلب في كل حاجة، تقفلُو… وبعد شوية تفتحو تاني، وبرضو ما عارف إنتَ مستني شنو. تلقى نفسك سرحان في السقف، تتذكر حاجات قديمة ما كنت ناوي تتذكرها، وتسأل نفسك أسئلة ما عندها إجابة.🤷‍♀️ وبعدين يجي الصباح، تقوم، تتكلم، تضحك، وتعمل كل الحاجات العادية… كأنو أمس ما كان في حاجة جواك بتوجع❤️‍🩹. يمكن نحن ما بقينا باردين… يمكن بس اتعودنا نخبي الحاصل جوانا. وأحيانًا ما بنكون محتاجين زول يحل لينا حاجة، ولا حتى زول يقول لينا «مالك؟» بنكون محتاجين زول يقعد جنبنا بس… ويفهم إنو سكوتنا ما معناه إنو ما في حاجة.😴 لأنو أصعب وجع… إنك تكون مليان كلام، لكن ما تلقى الزول البتقدر تحكي ليهو.💔 #وفي_النهاية … يمكن ما اتغيّرنا زي ما الناس فاكرة، يمكن بس تعبنا من إننا نشرح نفسنا كل مرة. ومرات ما بنحتاج الكلام… بنحتاج بس زول يلاحظ إننا ما بقينا زي زمان.😔🖤 #مليون_مشاهدة❤ #بدون_هشتاق #أسوري #fypシ゚v

2026-09-29 14:50:50

To see more videos from user @alli72754, please go to the Tikwm homepage.