الشخص متوتر من صمتك بشكل واضح وحاس انك مو مثل قبل وان شيء كبير تغير داخلك تجاهه هو كان متعود يعرف مكانه عندك ويحس ان مهما صار بينكم فيه مساحة له يرجع لها لكن هدوءك الحالي خلاه يشك لأول مرة انك فعلا تجاوزتيه وان قلبك ما عاد متعلق فيه بنفس القوة هو يراقب تصرفاتك ويحاول يفسر كل تغيير صغير منك هل قلة كلامك معناها انك بردتي هل عدم مبادرتك يعني انك فقدتي الرغبة فيه وهل صرتي مرتاحة بدونه اكثر مما كنتي معه وهذي الاسئلة قاعدة تاخذ مساحة كبيرة من تفكيره اللي مخوفه اكثر مو مجرد انك ساكتة بل انك ساكتة ومرتاحة وهذا الشي يخليه يحس انك وصلتي لمرحلة ما عاد تحتاجين منه تفسير ولا اعتذار ولا حتى رجوع مثل قبل وكأنك داخليا بدأت تقفلين الباب بهدوء هو يحاول يبين لنفسه انك اكيد للحين تحملين له شيء لكن كل ما طال الصمت يرجع الشك له من جديد ويبدأ يتخيل ان فيه شخص ثاني ممكن يكون اخذ اهتمامك او انك ببساطة قررتي تختارين نفسك وتطلعين من نفس الدائرة في داخله اشتياق وغيرة وندم وخوف من الخسارة كلها مجتمعة لكنه للحين يحاول يحافظ على كبرياءه لذلك ممكن يتأخر في الخطوة رغم انه من داخله قريب جدا من فكرة كسر الصمت صمتك خلاه يراجع كل مرة اخذك فيها كأن وجودك مضمون وكل مرة تأخر فيها وهو متأكد انك بتظلين بنفس المكان واليوم بدأ يحس ان الوقت اللي كان يظنه لصالحه ممكن يكون صار ضده هو حاس ان مكانه بقلبك يهتز وهذا الشي متعبه اكثر من البعد نفسه لأنه يقدر يتحمل المسافة لكن فكرة انك ما عدتي تبينه مثل قبل صعبة عليه جدا لهذا ممكن الفترة الجاية يحاول يظهر لك او يفتح باب الكلام بطريقة غير مباشرة فقط عشان يتأكد هل لسه فيه شيء بينكم او انه فعلا تأخر لين فقد مكانه عندك. #تاروت #برج #حدس #توقعات #ابراج - @_rania.369