မဂ်လာပါအိမ်ရှင်မိတ်ဆွေဗုဒ္ဓဘာသာလူမျိုးအပေါင်းသို့ စာလေးကို သေချာအဆုံးထိ ဖတ်ပေးကြပါ မိတ်ဆွေတို့ပြောသလို ဒီနိုင်ငံကို အုပ်ချုပ်ဖို့ ကြီးစိုးဖို့ အစ္စလာမ်က လုပ်မနေပါဘူး အစ္စလာမ်ဟာ နယ်ချဲ့သာသနာလဲမဟုတ်သလို အကြမ်းဖက်သာသနာလဲမဟုတ်ပါဘူး ဒီနေရာမှာ အစွန်းရောက်လူတစ်စုဆိုတာကတော့ ဘာသာတရားတိုင်းမှာရှိကြပါတယ် ဒါကိုတော့ထည့်တွက်ပေးပါ အဲ့ဒီလူတစ်စုကမကောင်းတာနဲ့ ဘာသာတရားတစ်ခုလုံးက မကောင်းဘူးလို့ သိမ်းကျုံးလိုက်လို့မရပါဘူး မိတ်ေဆွတို့ အစ္စလာမ်ဟာ ငြိမ်းချမ်းခြင်းကိုဖော်ဆောင်တဲ့ဘာသာဖြစ်တယ် ဒီနိုင်ငံမှာ မြို့တစ်မြို့ရဲ့ဝန်ကြီးနေရာမှာတောင်မှ အစ္စလာမ်လူမျိုးမရှိပါဘူး အဲ့တော့ မိတ်ဆွေတို့ပြောတဲ့ ဝါးမျိုမယ်ဆိုတာကြီးက ဘယ်လိုလုပ်ဖြစ်နိုင်မလဲဗျ စဥ်းစားကြည့်ပါ အစ္စလာမ်ဘာသာဟာ ဒီလောကစည်းစိမ်ကို မမက်မောဖို့တားမြစ်ထားတယ် အစ္စလာမ်ဟာ နှလုံးသားထဲက ယုံကြည်မှုနဲ့ ရှိနေတာပါ မိတ်ဆွေတို့တောင်းဆိုတဲ့ မင်းတို့ယုံကြည်တဲ့အလ္လာဟ်ပုံပြ အလ္လာဟ်ပုံပြ ဆိုတာ ကျွန်တော်တို့မပြနိုင်ပါဘူးဗျ ဒါပေမယ့် မိတ်ဆွေတို့ကို အလ္လာဟ်ရှိနေကြောင်း သက်သေတွေကိုတော့ အစ္စလာမ်ဘာသာဟာ အများကြီးချပြထားခဲ့ပြီးပါပြီ ဘာသာတရားဆိုတာ နှလုံးသားနဲ့သက်ဝင်ယုံကြည်မှ ထိုဘာသာရဲ့ အဆုံးအမတွေကို လိုက်နာ ကျင့်သုံးနိုင်တာပါ မိတ်ဆွေတို့ ဖျက်စီးနေတဲ့ ဗလီတွေ ဆိုတာက ဝတ်ပြုတဲ့နေရာတစ်ခုထပ်မပိုပါဘူး မိတ်ဆွေတို့ထင်သလို အကြမ်းဖက်ဖို့ လူစုတဲ့နေရာလဲမဟုတ်သလို ဘယ်မြေအောက်ခန်းမှ မပါရှိပါဘူး ဘယ်လက်နက်မှလဲ ဗလီအတွင်းမရှိပါဘူး မိတ်ဆွေတို့အနေနဲ့ ဗလီထဲကို ဘာကြောင့်ပေးမဝင်သလဲမေးရင် မိတ်ဆွေမှားနေပါပြီ ဝင်လို့ရပါတယ် ဒါပေမယ့် မိတ်ဆွေအနေနဲ့ ခန္ဓာကိုယ်သန့်ရှင်းပြီး ဝတ်စားဆင်ယင်မှုကလဲ သန့်ရှင်းရပါမယ် ပြီးတဲ့အခါ ဗလီရဲ့ သက်ဆိုင်ရာ တာဝန်ခံကိုခေါ်ပြီး မိတ်ဆွေသိချင်နေတဲ့ ဗလီအတွင်းကို ချက်ကျကျလိုက်လေ့လာနိုင်ပါတယ် နောက်တစ်ခု မိတ်ဆွေတို့စော်ကားနေတဲ့ အာဇာန်သံ ထိုအသံဟာ မိတ်ဆွေတို့ပြောသလိုမျိုး ကျိန်စာတိုက်နေတာမဟုတ်ပါဘူး ဝတ်ပြုချိန်ကျရောက်ပြီဖြစ်လို့ လာရောက်ဝတ်ပြုဖို့ ကိုးကွယ်ရာ အရှင်မြတ်ကိုသတိရကြဖို့ အသိပေးနေတာပါ မိတ်ဆွေတို့ဗလီကျောင်းတော်တွေကိုဖျက်ပစ်လို့ ကျွန်တော်တို့ဝမ်းနည်းမိတာတော့အမှန်ပါပဲ ဒါပေမယ့် ဒါဟာ မိတ်ဆွေတို့အပြစ်မဟုတ်ပါဘူး ကျွန်တော်တို့ဟာ ဝတ်ပြုဖို့ကိုမေ့လျော့စွာနေကြပြီး ပေါ့ပေါ့ပါးပါးနေကာ ဘုရားသခင်ကို သတိမရကြတော့လို့ ဘုရားသခင်ဖက် ပြန်လည်ရုတ်သိမ်းသွားရခြင်းပါပဲ ဒီနေရာ တစ်ချို့အသိဉာဏ်မဲ့တဲ့လူတွေကတော့ ကျွန်တော့်ကိုအစ္စလာမ်မစစ်ဘူး အမျိုးယုတ်လို့ပြောချင်ပြောကြပါလိမ့်မယ် ထို့ပေမယ့် အမှန်တရားကို ထိုသူတို့ သိကြပါတယ် အီမာန်ဆိုတဲ့ အရာဟာ နှလုံးသားထဲမှာရှိနေသ၍ အစ္စလာမ်ဟာ တည်ရှိနေပါတယ် ကမ္ဘာမြေကြီးတည်ရှိနေသ၍ အစ္စလာမ်ဟာ ဝတ်ပြုဆုတောင်းခွင့်ရပါတယ် ကျွန်တော်တို့ဝတ်ပြုဆုတောင်းရခြင်းဟာ သေပြီးတဲ့အခါ ကျွန်တော်တို့ကြုံတွေ့ရမယ့်အရာတွေအတွက်ပါ ဒါကိုတော့အကျယ်ချဲ့ရှင်းပြမနေတော့ပါဘူးအဲ့တော့ ပြောချင်တာက အစ္စလာမ်ဟာ ဒီလောက ဒီစည်းစိမ်းတွေထဲ ရစ်မူးနေလို့မရပါဘူး ကျွန်တော်တို့အားလုံးတောင်းတကြတာက သေပြီးအခါ ဂျနသ်လို့ခေါ်တဲ့ ကောင်းကင်ဘုံကိုရောက်ဖို့ပါပဲ နောက်ပြီး မိတ်ဆွေတို့ commentတွေမှာ လိုက်မန့်နေတဲ့ စာအုပ်ပုံပါသည် မိတ်ဆွေတို့လူမျိုးတွေထဲကပဲ မှိုင်းတိုက်ရန်ထုတ်ထားတာပါ မိတ်ဆွေတို့ကိုပြောချင်တာကတော့ အစ္စလာမ်ဘာသာထဲကို ဝင်ဖို့မပြောဘူး မဖိတ်ခေါ်ဘူး ဒါပေမယ့် အဲ့ဒီလို မှိုင်းတိုက်တာကို ယုံမယ့်အစား မိတ်ဆွေရဲ့ ဦးနှောက်ကို အသုံးချပြီး အစ္စလာမ်ဘာသာကို လေ့လာကြည့်လိုက်ပါ တစ်ကယ်ပြောတာပါ လေ့လာရုံပဲလေ့လာကြည့်လိုက် မိတ်ဆွေတို့ အခုပြောနေသလို မကောင်းတဲ့ဘာသာလားဆိုတာ သိသာကွဲ ပြားနေလိမ့်မယ်လို့ အာမခံတယ်ဗျ Peace✌ #fyp #islam #foryou #လူမျိုးရေး - @www.shortrecap