@millardayo_: Waziri wa Mambo ya Ndani ya Nchi, Patrobas Katambi ameagiza kusitishwa kwa mfumo wa pointi kwa Madereva, ambao amesema ulikuwa bado haujaanza kutekelezwa rasmi bali ulikuwa katika hatua ya majaribio. Katambi ametoa agizo hilo leo, Septemba 29, 2026, katika Stendi ya Kimataifa ya Magufuli, Dar es salaam, wakati alipokutana na Madereva kufuatia mgomo ulioanza asubuhi ya leo. “Kwa hiyo mpaka sasa ninavyozungumza kwenye jambo hili la pointi, maagizo na maelekezo yangu na uamuzi wangu ni huu, jambo hili lisitishwe na tathmini ya kina itafanyika kwa kuwashirikisha Madereva hawa wote kupitia Viongozi wao, kuanzia Viongozi wa Wamiliki,”. “Leo tarehe 29, Viongozi wote wamekaa pale Dodoma, baadhi yenu waliokaa pale ni Viongozi wa Madereva, watatoa maoni yao katika kile kikao ambacho wamekaa,” amesema Katambi. Chini ya utaratibu huo unaotokana na Tangazo la Serikali Na. 420 (G.N. No. 420), kila leseni ya udereva ina pointi 15 ambazo hupunguzwa kulingana na aina na uzito wa kosa la usalama barabarani linalofanywa na Dereva. #MillardAyoUPDATES

millardayo

Open In TikTok:

Region: TZ

Tuesday 29 September 2026 17:13:39 GMT