@mohamed_xarrago: Bal u fiirso falsafadda heestan ku jirta, waxay tidhi “saddax iyo shan iyo toban dayaxii masoo baxay”, marka 15+3 waa 18, habeenka ay bishu tahay 18-naad dayaxu wuu soo raagaa oo waa xiliga maluugta ama gudcurku bilowga yahay, iyadna waxay tilmaameysaa in ilaa wakhtigaa ay soo jeed ku gaadhay sidey isaga u sugeysay, Markaasey haddana tidhi “Naftan sooftayee maqan, anoo Sabada yuurara, kaahiisu may simay” iyada oo kaabadda aqalka fadhida oo qofkii ay jecleyd wali sugeysa, ilaa iftiinkii iyo kaahii dayaxu dhulka ku sawiray hadhkq fadhigeeda kadibna waxay u niyeysatay iney qofkeedii la joogto oo hadhkeedii ayey weheshi bidday Axeey Ax. Markii uu iman waayay qofkii ay sugeysay ayey haddana is tidhi yaanu salfudeyd ku qaadin bal u yara kaadi adigaa malaha degdegayee, way ogtahay inaanu soo socon xiligaa wixii ka dambeeya balse waxay diidan tahay in nafteeda ay ka dhaadhiciso inuu balantii ka baxay, markaasey iyada oo eedda ka duwaysa isaga marna iyada iyo waayaha eeddii dusha ka saareysa ayey tidhi “Ma yaqaano suuraha, beentiyo sasabadee, ma anigaan wakhtiga sugin, mise waayahaa sida, kaan sugaayayow. Ileen waa naf wax jecele Balan wakhtigeedii la dhaafay ayey haddana isku qancisay inaan wakhtigii la gaadhin oo iyada degdeg ku Jiro, haddana isagii bay ceeb ka-Salim ka dhigtoo tidhi beenta, suuraha iyo sasabashada midna ma yaqaan oo waa qof run yaqaan ah balankana ku fiican ee qofka degdegsani waa aniga ee wuu soo socdaa isagu, hadda ogow wakhtiguna waa 3-dii habeenimo ku dhawaad. #fyp #viral #videoviral #tiktok

Mohamed Xarrago

Open In TikTok:

Region: SO

Tuesday 29 September 2026 20:28:54 GMT