کبھی کبھی انسان حالات سے نہیں، مسلسل سہتے سہتے تھک جاتا ہے۔ پھر ایک وقت آتا ہے جب نہ کسی سے شکایت کرنے کو دل چاہتا ہے، نہ اپنی تکلیف سمجھانے کو… بس خاموشی سے سب کچھ اپنے اندر دفن کر دینے کو دل کرتا ہے۔ ہم نے بھی زندگی سے بہت کچھ سیکھا ہے؛ لوگوں کی بدلتی ہوئی محبتیں، وقت کے ساتھ بدلتے رویے، اپنوں کی بےرخی اور اُن دعاؤں کا انتظار جن کا جواب ابھی تک نہیں آیا۔ اب کسی کے جانے پر شور نہیں ہوتا، کسی کے بدلنے پر حیرت نہیں ہوتی، کیونکہ دل نے مان لیا ہے کہ ہر شخص ہمیشہ ساتھ رہنے کے لیے نہیں آتا۔ کبھی کبھی رات کی خاموشی میں دل خود سے پوچھتا ہے کہ آخر اتنا صبر بھی کس لیے؟ اتنا برداشت بھی کس لیے؟ پھر اندر سے ایک آواز آتی ہے کہ شاید مولا ہمیں توڑ نہیں رہا، ہمیں اُن چیزوں سے آزاد کر رہا ہے جنہیں ہم اپنی خوشی سمجھ بیٹھے تھے۔ شاید کچھ جدائیاں سزا نہیں ہوتیں، بلکہ ہماری روح کو اُن راستوں سے واپس لانے کا ذریعہ ہوتی ہیں جہاں ہم خود کو کھو بیٹھے تھے۔ اب بس اتنی سی خواہش ہے کہ مولا میرے دل کو وہ سکون عطا کر دے جو کسی انسان کے رہنے یا جانے سے وابستہ نہ ہو۔ جو چھن گیا اُس کا غم بھی میرے دل سے آہستہ آہستہ نکال دے، اور جو میرے نصیب میں نہیں اُسے مان لینے کا حوصلہ دے۔ کیونکہ اب واقعی تھک چکے ہیں ہم… ہر بار مضبوط بنتے بنتے، ہر بار مسکرا کر اپنا درد چھپاتے چھپاتے۔ 💔🥀#cupcuteditvideo #fyp #capcut #capcutedit #capcut_edit - @aila_563