@uaung583: ငွေကို ပီနံအိတ်များစွာနဲ့ ဗီဒိုမဆံ့အောင်လည်း ရဖူးတယ်။ ငွေအရင်းအနှီးပြတ်လို့ လုပ်ငန်းတွေ ရပ်ဆိုင်းလုနီးနီးအထိလည်း ကြုံခဲ့ဖူးတယ်။ သာမန်ဘဝကနေ ပိုင်ဆိုင်မှု အကြီးကြီးတွေလည်းရခဲ့ဖူးတယ်။ ကြီးကြီးမားမားကြီးတွေလည်း ဆုံးရှုံးခဲ့ဖူးတယ်။ ငွေသိန်းဆယ်ချီလည်း အလိမ်ခံခဲ့ရဖူးတယ်။ ဒါပေမဲ့ သတိအမြဲရှိပြီး ညံ့မှာကြောက်တဲ့ ကျွန်တော့်ကို ဘယ်လိုအခြေအနေကမှ အလဲမထိုးနိုင်ခဲ့ပါဘူး။ ဒါတွေပြောရတာ အရင်းနှီးဆုံးမိတ်ဆွေတစ်ဦးပြောခဲ့ဖူးတဲ့ စကားကိုးကားပြီး ဒီစာစုလေးအကြောင်းပြောချင်လို့ အစချီတာပါ။ "အခွင့်အလမ်း ကိုယ့်ရှေ့ရောက်လာတဲ့အခါ အမိအရဖမ်းဆုပ်နိုင်ရတယ် အခွင်အလမ်းနောက်ကို ကိုယ်က ပြန်လိုက်ရပြီဆိုရင် မောပြီသာမှတ်ပါ" ဆိုတဲ့ စာစုလေးပါ။ ဒီစာစုလေးက ဘဝမှာ ကိုယ်တွေ့ပါ။ ဘယ်နယ်ပယ်မဆို သတိပြုစရာပါ။ စီးပွားရေးနယ်ပယ်နဲ့ပြောရရင် ဈေးတက်ချိန်ကလည်း အမြတ်နဲ့ပိုင်းနိုင်ဖို့ အခွင့်အလမ်းရှိသလို ဈေးကျချိန်ကလည်း အနိမ့်ဈေးတန်းကိုဖမ်းဝယ်နိုင်ဖို့ အခွင့်အလမ်းပါပဲ။ အရောင်းသမားက အမြင့်ဈေးမမီရင် ပြန်စောင့်ရတာမောသလို အဝယ်သမားကလည်း အနိမ့်ဈေးလွတ်သွားရင် ဈေးပြန်အကျစောင့်ရတာ မောပြီပေါ့။ ကျွန်တော့်ဘဝနဲ့ ချီပြောပြရရင် လွန်ခဲ့တဲ့ ဆယ်စုနှစ် ၃ နီးပါးလောက်က••• ကျေးလက်တောရွာလေးကနေ မြို့ကိုလက်ဗလာနဲ့တက်လာပြီး ကုန်ရောင်းကုန်ဝယ် အလုပ်အကိုင် ကောင်းတဲ့ကာလတစ်ခုနဲ့လည်းကြုံ၊ ကိုယ်ကလည်းအလုပ်ကြိုးစားတဲ့အခါ နှစ်အချိန်တိုလေးအတွင်းမှာ ငွေကြေးတွေများစွာရရှိလာပါတယ်။ ဒါပေမဲ့ ဒီလို အခွင့်အလမ်းနဲ့ ဒီအခြေအနေတစ်ခုက အမြဲတမ်းရှိနေမှာမဟုတ်ဘူးဆိုတာ သတိမပြုမိခဲ့ဘူး။ ငွေတွေရတဲ့အချိန်မှာ ရေရှည်အတွက် အစီအမံ မလုပ်ခဲ့မိဘဲ ရေတိုလိုအပ်ချက်တွေကိုပဲ လုပ်ဆောင်ခဲ့တယ်။ လွန်ခဲ့တဲ့ နှစ် ၃၀ အဲဒီလို ခေတ်မှာတောင် တနေ့ကို သိန်းဂဏန်းအထိ အမြတ်ငွေရှိခဲ့ပေမဲ့ ရွှေတိုရွှေစ အနည်းငယ်မျှသာ စုဆောင်းပြီး ၊ အိမ်စီးကား၊ ကုန်တင်ကားတွေဝယ်ယူနဲ့ လုပ်ငန်းချဲ့ဖို့သာ စဉ်းစားခဲ့ပြီး ၃/၄/၅ သိန်းတန် မြေကွက်လေးတွေ ကိုယ့်ထံလာရောင်းပေမဲ့ စုဆောင်းခဲ့ရကောင်းမှန်း မသိခဲ့ဘူး။ (အဲဒီတုန်းက လာရောင်းဖူးတဲ့ ၃ သိန်းတန်မြေကွက်က အခု သိန်း ၁ သောင်းလောက်ပေါက်နေပါပြီ) နောက် ၇ နှစ်လောက်အကြာ စီးပွားရေးလုပ်ငန်းတွေ မကောင်းတဲ့ကာလတစ်ခုပြန်ကြုံတဲ့အခါ လုပ်ငန်းအရှုံးတွေပြန်ပေါ်လာတော့ ထုခွဲစရာ ရွှေတိုရွှေစလေးတွေနဲ့ မိတ်ဆွေတစ်ဦးက အတင်းအဖော်ညှိလို့ တစ်ယောက်တဝက်ခွဲပြီးဝယ်ခဲ့တဲ့ မြေကွက်လေးတကွက်က မထင်မှတ်ဘဲ ဈေးကောင်းရလို့ လုပ်ငန်းတွေ အသက်ဆက်ခဲ့ပေမဲ့ အလုပ်တွေကို ပင်ပင်ပန်းပန်းပြန်လုပ်ရပြန်ပါတယ်။ ဒီလိုနဲ့ တနေ့တော့ လုပ်ဖော်ကိုင်ဘက်မိတ်ဆွေတစ်ဦးနဲ့ လဘက်ရည်ဆိုင်ထိုင်ရင်း သူက မေးတယ်။ "အခုအချိန် ငွေရှာရတာ မောလား" တဲ့ "ဟုတ်တယ် မောတယ်ဗျာ" လို့ ပြောတော့ "အရင်တုန်းက ငွေတွေ မင်းနောက်လိုက်လာတုန်းက ဘာဖြစ်လို့ ဒီအခွင့်အလမ်းကို ကောင်းကောင်း အသုံးမချခဲ့တာလဲ၊ အခုတော့ မင်း အခွင့်အလမ်းနောက်ပြန်လိုက်နေတော့ မောပြီပေါ့ကွ" တဲ့။ လွန်ခဲ့တဲ့ နှစ် ၂၀ ကျော်က သူကတော့ အမှတ်မထင် ဒီစကားကိုပြောလိုက်တယ်ဆိုပေမဲ့ ကျွန်တော့်အတွက်တော့ ဒီကနေအထိ အမြဲသတိတရနဲ့ ကိုယ်တိုင်လည်းလိုက်နာ၊ မိတ်ဆွေတွေကိုလည်း ပြန်ပြောဖြစ်၊ သင်တန်းမှာလည်း အမြဲမျှဝေဖြစ်ခဲ့တယ်။ အဲဒီအချိန်ကစပြီး အလုပ်တစ်ခုခုပြီးမြောက် အောင်မြင်တိုင်း၊ ငွေလက်ထဲပိုလျှံလာတိုင်း ရေရှည်အစီအမံတစ်ခုခုကို ထည့်သွင်းလုပ်ပါတော့တယ်။ စီးပွားရေးဆိိုတာ အမြဲအတက်အကျရှိတာ လက်ခံထားတော့ ထွက်ပေါက်တစ်ခုခုကို အရန်ပြုလုပ်ထားလေ့ရှိတယ်။ ပိုင်ဆိုင်မှုကိုလည်း အမြဲတမ်း Diverse ပုံစံလုပ်တယ်။ တနေရာထဲမှာ စုပြုံမထားတော့ဘူး။ လူတချို့က ကိုယ့်မှာ ဘာမှမရှိတော့ဘူးလို့ သူတို့အမြင် ထင်ရတဲ့အချိန်မှာတောင် သူတို့သိစရာမလိုတဲ့ ကိုယ့်ပိုင်ဆိုင်မှုဆိုတာမျိုးရှိနေအောင် စီမံတတ်ခဲ့တယ်။ ဒီကနေ့လို ကိုယ့်စည်းစိမ်မပြောနဲ့ ကိုယ့်အသက်တောင် ကိုယ်အစိုးမရတဲ့ခေတ်မှာ ကိုယ့်ပိုင်ဆိုင်မှုတွေကို တနေရာထဲမှာ စုပြုံထားတာ၊ လူမြင်ကွင်းမှာအများကြီးထားတာတွေက ကိုယ့်အန္တရာယ် ကိုယ်ဖိတ်ခေါ်နေတာမျိုးပါပဲ။ အချုပ်ပြောရရင် ကိုယ့်ရဲ့ Net Worth လို့ခေါ်တဲ့ အသားတင်ပိုင်ဆိုင်မှုကို စနစ်တကျ Diverse လုပ်ပြီး စနစ်တကျ Strategic Portfolio တည်ဆောက်ရမဲ့ခေတ်ဆိုတာ မမေ့ပါနဲ့။ အခု November 5 ရက်နေ့မှာလည်း ကျွန်တော့်ရဲ့ ရေရှည်အစီအမံ စီးပွားရေး Diverse strategy ထဲက Investment Portfolio မှာပါဝင်တဲ့ Stock & gold investing လုပ်ငန်းရဲ့ ကိုယ်တိုင်အတွေ့အကြုံတွေနဲ့ နည်းပညာအပိုင်းမှာ အဓိကအားထားရတဲ့ သားကြီးဖြစ်သူ ကိုဟိန်းနဲ့အတူ မိတ်ဆွေတို့အတွက် Stock & Gold Investing ကို ရေရှည်အစီအမံအနေနဲ့ လုပ်ကိုင်နိုင်ဖို့ အချိန် ၁ လတိတိသင်ကြားပေးမဲ့ BOSS Investment Master Class သင်တန်းကြီးရှိပါမယ်။ 📥 သင်တန်းတက်ရောက်လိုပါက "BOSS" လို့မန့်ခဲ့ပါ။ LGTI team မှ အသေးစိတ်ပြန်လည်ဆက်သွယ်ပေးပါလိမ့်မယ်။ U Aung-LGTI #BOSSInvestmentMasterClass #StockInvesting #GoldInvesting #WealthStrategy #UAung

U Aung

Open In TikTok:

Region: TH

Wednesday 30 September 2026 10:17:46 GMT