@suzak_crb: 🌿 ҚАРТТАРЫМЫЗ — ҚАЗЫНАМЫЗ! 🌿 1 қазан – Халықаралық қарттар күніне орай Созақ аудандық орталық ауруханасында ардагерлер мен қазыналы қарттарға арналған мерекелік іс-шара ұйымдастырылды. Мерекелік шараны аудан әкімінің орынбасары А. Ешанқұлова ашып, ардагерлерімізге ізгі тілегін білдіріп, зор денсаулық пен ұзақ ғұмыр тіледі. Шара барысында қарттарымызға ерекше құрмет көрсетіліп, олардың өмірлік тәжірибесі мен елге сіңірген еңбегі дәріптелді. Сонымен қатар, ардагерлердің денсаулығына көңіл бөлініп, медициналық профилактикалық тексерулер жүргізілді. Мамандар тарапынан қажетті медициналық кеңестер беріліп, денсаулықты тұрақты бақылауда ұстаудың маңыздылығы түсіндірілді. Мерекелік іс-шара соңында Созақ аудандық орталық ауруханасының басшысы Н. Бердімұратовтың ұйымдастыруымен ардагерлерімізге арнайы дастархан жайылып, қонақтарға құрмет көрсетілді. Қарттарымыздың ақылы мен батасы – кейінгі ұрпаққа бағыт-бағдар берер асыл мұра. Барша ардагерлерімізге мықты денсаулық, ұзақ ғұмыр, отбасыларына амандық пен бақ-береке тілейміз! ❤️ Қарттарымыз аман болсын, төрімізден әрдайым орын алсын!🌷

Сузак ЦРБ

Open In TikTok:

Region: KZ

Wednesday 30 September 2026 10:34:47 GMT