@hirziahmedhirzi12: Ibraahim yuusuf axmed (Hawd) ayaa hada ka hor laga hayay odhaah ahayd "waxaa jira laba cadow oo qofka aadamaha ah curdin-dhadhiya ama ragaadiya hadaan looga hiilin, waana faqriga iyo jahliga" waxa aan uga socdaa. Faqriga waxaa soo hoos galaya baahida oo ah cadawga koobaad ee noolaha. Had iyo jeer waxa aynu aragnaa dad meel taagan ama masaajid ka kacaya oo baahiyo kala duwan sheeganaya, hooyooyin suuqa wadhan oo dayac iyo diifi ka muuqato iyo caruur darxumo dhamaystay oo duruuftu daashatay, markii ay baahidii ka tan iyo awood badatayna dawarsi u ban-baxay. Qof kasta oo gacanta kuu hoorsaday oo wax ku waydiistay isaga oo is dhul-dhigaya ilaa xad ma aha wax sahlan, waa la odhan karaa way ka qabsatay oo dawarsiga ayaa balwad ka noqday se marnaba ilamaha aha qofkaasi inuu yahay mid baahi ka madhan, waxaa se kula gudboon inaad waxaad ku dhaanto u dhiibto adigana sadaqo ayay ku noqon isagana waxbay u tariye. Noloshu ma taqaano ixtiraamka, naxariista jixinjixa iyo damqashada midna ee waxa ay u socotaa si kawni ah oo qorshaysan mana u joojiso kuwa jilicsan si ay isu soo adkeyan mana rido kuwa xoogan si kuwa jilicsani u soo gaadhaan, kaliyaata waxay caawisaa qofka halganka iyo hal adayga u saaxiibka ah. Sidaas oo ay tahay dhibta iyo rafaadku ma aha mid lagu waaro ee maalin uun waa laga dhamaada hadii aad u hawl gasho sidii aad uga fara-bixi lahayd. Ugu dambayn qof kasta wixii aad ku dhaanto ku caawi alle ayaa adigana ku caawin doona'e, noloshan maalinba maalinka ka dambeeya sii adkaanaysa hawada sii galaysa ee naxariistu ka sii guurayso u gargaar intaad cid u gargaari karayso.

Geel-jire

Open In TikTok:

Region: SO

Wednesday 30 September 2026 10:39:23 GMT