ရုံးအပြန် YBS စီးရင်း တွေးမိတာပါ ကားပေါ်မှာ ပါလာတဲ့ လူအများစုက အလုပ်ပြန် ရုံးပြန်ချိန်ဆိုတော့ မျက်နှာလေးတွေ ညိုးနွမ်းစွာနဲ့ တိတ်ဆိတ်ပြီး ကိုယ့်အတွေးနဲ့ကို တွေးနေတဲ့ လူတွေများတယ် တစ်ချို့ကျလည်း ဖုန်းပြော တစ်ချို့ကျလည်း ဖုန်းသုံး တစ်ချို့ကျလည်း ဘေးကအဖော်နဲ့ စကားပြောကြပေါ့ စသဖြင့် လူပေါင်းစုံ တိုးကျိတ်လို့ပါပဲ … အလုပ်မှာ pressure များတဲ့လူရှိမယ် ပေါ့ပေါ့ပါးပါး အလုပ်လုပ်ရတဲ့ လူရှိမယ် တစ်နေ့လုံး ပင်ပင်ပမ်းပမ်း ဟိုပြေး ဒီပြေး စျေးရောင်း စျေးဝယ် စသဖြင့် အားလုံးက မနက်လင်းထဲက ရုန်းကန်လှုပ်ရှားနေကြရတာ ညနေ ရောက်သည်ထိပါပဲ … တစ်မှတ်တိုင် နှစ်မှတ်တိုင်ပဲ စီးရတဲ့လူရှိမယ် ဂိတ်စ ဂိတ်ဆုံး စီးရတဲ့လူရှိမယ် ကား ၂ဆင့် ၃ဆင့် စီးရတဲ့လူရှိမယ် နေပူမရှောင် မိုးရွာမရှောင် တကယ်ကို ရုန်ကန်ပြီး ရှာဖွေစားသောက်ကြရတာ မလွယ်ကြပါဘူး … အိမ်ပြန်ရောက်ချိန် မိသားစုက ထမင်းပွဲအဆင်သင့်နဲ့ စောင့်နေတဲ့သူတွေ ရှိရင်ရှိမယ် အိမ်ပြန်ရောက်ချိန် ပင်ပမ်းမှုကိုယ်စီနဲ့ သူ့မျက်နှာ ကိုယ်မကြည့်ချင် ကိုယ့်မျက်နှာ သူမကြည့်ချင် ဖြစ်နေကြတဲ့ လင်မယားတစ်ချို့လည်း ရှိနေလိမ့်မယ် နယ်ကတတ်လာပြီး အလုပ်လာလုပ်ရလို့ ကြုံရာဆိုင်လေးက ညစာကို အိတ်လေးနဲ့ ပါဆယ်ဆွဲပြီး စားရတဲ့သူမျိုးတွေလည်း ရှိလိမ့်မယ် … လူတိုင်းကလေ အားလုံး ကိုယ့်အပူနဲ့ကိုယ်ချည်းပဲ ကိုယ်ဖြစ်ချင်တိုင်းက ကိုယ်တိုင်တောင် မဖြစ်ဘူးမလား အပူချင်း မတူတာပဲရှိလိမ့်မယ် အလုံးစုံ ပြည့်စုံနေသူဆိုတာ မရှိဘူး သူတော့ ပျော်နေတာပဲ ဆိုပြီးလည်း သွားလည်းမဆဲနဲ့ မနာလိုလည်းမဖြစ်နဲ့ အားလည်းမကျနဲ့ အားလုံးက အတူတူပဲ ဥပမာပြောရရင် ငါကိုယ်တိုင် ပေါ့ပေါ့ပါးပါးနဲ့ တစ်နေ့တာ ဖြတ်သန်းနေတာပဲ ဆိုပြီး ပတ်ဝန်းကျင်က လူတွေကော နင်တို့တွေကော မြင်နေကြတာ ငါ့အိမ် ငါ့ရွာ ငါ့မိသားစု အခြေအနေဆိုတာလေ တောင်ပြေး မြောက်ပြေး ပြေးနေကြရတာ ဘာကြောင့်လည်းဆိုတာ ပြောပြဖို့မလိုလောက်ဘူး ဒါက ငါ့မိသားစု ကိစ္စ ငါ့မှာဆိုလည်း နင်တို့တွေ မသိတဲ့ ဖုံးကွယ်ထားရတဲ့ သိမ်ငယ်ခြင်းတွေမှ အများကြီးရှိတယ် ဒါပေမယ့်လည်း ကိုယ်လုပ်စရာရှိတာ လုပ်ရမယ် ကိုယ်စားစရာရှိတာ စားရမယ် ကိုယ်ပျော်စရာရှိတာတော့ ပျော်ရမယ် မဟုတ်ဘူးလား “ ပင်ပန်းတယ်မလား ဒါမင်းဘဝကို သေချာ ကြိုးစား နေထိုင် နေတယ် ဆိုတဲ့ အဓိပ္ပါယ်ပဲ “ တဲ့ #crd Than Soe Aung #တနေ့တာပျော်ရွှင်မူ့များရနိုင်ကြပါစေ #အခြေခံလူတန်းစား #sad #ybs @M🌊🐬 @May Thit Phoo - @maythitphoo5206