ҚАРНАҚТА ӘКІМ ҚАЙДА? ХАЛЫҚ ӘКІМДІ ІЗДЕП ЖҮР Билік халықпен жұмыс істеуі керек. Әкім халықтың мұңын тыңдап, мәселесін шешуге жақын болуы тиіс. «Ашық әкімдік» дегеннің мәні де – осы. Алайда Кентау қаласына қарасты Қарнақ ауылдық округінің әкімі Жамалбеков Асыл Қабыланұлына қатысты тұрғындардың наразылығы бар. Ауыл тұрғындарының айтуынша, әкімдіктен мәселе шешімін табуы үшін әкімнің өзіне жолығу қиын. Кей азаматтар әкімді жұмыс орнынан жиі таба алмайтынын айтып, наразылық білдіруде. Халықтың сұрағы қарапайым: әкім халық үшін жұмыс істей ме, әлде халық әкімді іздеп жүруі керек пе? Елде әр әкімге халықпен ашық жұмыс істеу, тұрғындардың пікірін тыңдау, азаматтардың мәселесін дер кезінде қарау жөнінде талап қойылып келеді. Бірақ бұл талап қағаз жүзінде ғана қалып қоймауы керек. Қарнақ – қарапайым халық тұратын ауыл. Мұнда тұрғындардың да шешілмей тұрған мәселесі аз емес. Ауыл тұрғыны әкімге кіріп, өз мәселесін ашық айта алуы керек. Сондықтан Жамалбеков Асыл Қабыланұлы халықпен қаншалықты жиі кездеседі? Тұрғындарды жеке қабылдау қалай жүргізіледі? Жұмыс уақытында әкімдікте болмауына қатысты шағымдар бар ма? Бұл сұрақтарға жауап беру – тек Қарнақ ауылдық округі әкімнің емес, Кентау қаласы әкімдігінің де міндеті. Халық әкімнен көп нәрсе сұрап отырған жоқ. Тек өз әкімін жұмыс орнынан тауып, мәселесін айтып, нақты жауап алғысы келеді. #баспрокуратура #түркістаноблысы #ЗаңЖәнеТәртіп #кентауқаласы #ҚарнақАуылы - @lazzat_mediator