@p843498: မက်လို့ မောရတဲ့ အဖြစ်ချည်းပါပဲ။ တစ်ခုရရင် နောက်တစ်ခုလိုချင်တယ်။ တစ်နေရာရောက်ရင် နောက်တစ်နေရာကို ထပ်ရောက်ချင်တယ်။ ရရှိထားတာတွေကို မကြည့်နိုင်တော့ပဲ မရသေးတာတွေနောက်ကိုပဲ အမြဲလိုက်နေမိတယ်။ အဲ့ဒီလိုနဲ့ လိုချင်စိတ်တွေက ဘဝထက်ကြီးလာတဲ့အခါ ကိုယ်ပိုင်ဆိုင်ထားသမျှထက် မပိုင်ဆိုင်ရသေးတာတွေက ပိုများလာသလို ခံစားရတယ် ။ ပင်ပန်းတာက လုပ်စရာတွေများလို့မဟုတ်ဘူး။ စိတ်ထဲမှာ ချထားတဲ့ ရည်မှန်းချက်တွေမျှော်လင့်ချက်တွေ ဖြစ်ချင်တာတွေကို တစ်ချိန်တည်းမှာ အားလုံးဖြစ်လာစေချင် နေတာကြောင့်ပါပဲ။ ဘဝဆိုတာ အရာအားလုံးကို တစ်ခါတည်းရဖို့ ကြိုးစားရတဲ့နေရာ မဟုတ်ပါဘူး။ တချို့အရာတွေကို လက်လွှတ်တတ်မှ တချို့အရာတွေအတွက် နေရာရလာတယ်။ တချို့လိုချင်မှုတွေကို လျှော့ချတတ်မှ ကိုယ့်လက်ထဲမှာ ရှိနေပြီးသားအရာတွေရဲ့ တန်ဖိုးကို မြင်လာတယ်။ ဘဝက မောလာတဲ့အခါ ဘဝကိုပဲ အပြစ်တင်မနေပဲ ကိုယ့်စိတ်ထဲမှာ ဘာတွေကို အလွန်အကျွံ မက်နေမိသလဲ ဆိုတာလည်း တစ်ခါလောက် ပြန်ကြည့်သင့်တယ်။ တစ်ခါတလေ ဘဝကို ပိုကောင်းမွန်အောင်လုပ်ဖို့ မရသေးတာတွေနောက်ကို ရလိုမှုကြီးစွာနဲ့အတင်းလိုက်နေတဲ့စိတ်ကို လျှော့ချတတ်ဖို့လည်း လိုပါတယ် ။ #ရိပ်ငြိမ်

423

2026-10-02 10:15:16

2026-09-30 16:07:21

To see more videos from user @p843498, please go to the Tikwm homepage.