Xəmirsiz, Kartofdan Kiş Ənənəvi kişdən daha yüngül alınır - aşağı hissədə klassik xəmir əvəzinə qızılı və xırtıldayan kartof əsas, içərisində isə pendir, vetçina və ispanaqlı yumşaq içlik. Ərzaqlar: Formanın diametri 24 sm Əsas üçün: Kartof 6-8 əd. Bitki yağı 1 ç.q. Duz İçlik üçün: Yumurta 6 əd. Xama (20%) 1 x.q. Holland pendiri 100 q (mən cheddar istifadə etdim, mütləq deyil) Vetçina 120 q (kolbasa da olar) İspanaq 50 q Duz və qara istiot zövqə görə Üzəri üçün: Holland pendiri 50 q (mən mozzarella istifadə etdim, mütləq deyil) Hazırlanması: 1. Kartofu bişirin. Çəngəl rahat batacaq qədər yumşaq olmalıdır. 2. Sökülən kənarlı formanı az miqdarda yağla yağlayın. 3. Kartofları formaya düzün. Stəkanın köməyi ilə kartofları formanın dibinə və kənarlarına möhkəm basaraq əsas hazırlayın. 4. Kartof əsasını az miqdarda yağla yağlayın və bir qədər duz səpin. 5. Əvvəlcədən 220°C-də qızdırılmış sobada 20–25 dəqiqə, kartoflar bir qədər qızarıb xırtıldayana qədər bişirin. Kartofun kənarları dağılsa, sobadan çıxarıb yenidən stəkanla düzəldin və bişirməyə davam edin. İçlik: Böyük qabda yumurta, xama, holland pendiri, vetçina, ispanaq, duz və istiotu birləşdirib yaxşıca qarışdırın. Yığılması: 1. Hazırda bir qədər bişmiş kartof əsasının üzərinə içliyi tökün. 2. Üzərinə əlavə rəndələnmiş pendir səpin. 3. 220°C-də daha 35–45 dəqiqə bişirin. Ehtiyatlı olun, üzəri yanmasın 4. Bir qədər soyumasını gözləyin, daha sonra formanı ehtiyatla açın. Nuş olsun! Potato Crust Quiche #quiche #kiş #киш #healthybreakfast #breakfast Tərəfdaşlıq Mega Media Azerbaijan VÖEN: 1604684831 info@megamedia.az 0503535554 Nigar Refibeyli, 20 - @osman.cho