ڪنھن شرابن طھورا لاءِ تسبيح پڙھي ڪنھن انگورن جي لالچ تي سجدا ڪيا ڪو لائق عبادت سمجھي جُھڪيو ڪنھن جَھنم جي دڙڪن کان خُطبا چَيا مون به چاهيو ته مان تنھنجو نالو وٺان تنھنجي تسبيح پڙھان توکي هر هر جُھڪان. پر منھنجي مقدر ۾ اهڙي هئي نوڪري تنھنجي سجدي ڪرڻ جي نه مُھلت مِلي مان جي توکي جُھڪيس پئي ته منھنجا ٻچا روز گوڏا وجھي پيٽ ۾ ٿي سُتا پوءِ به مونکان پڇين ٿو؟ مان حاضر آھيان اي خدا، اي خدا، اي خدا، اي خدا..!! مان زماني جون سَنگريز راهون رُليس ۽ حياتي سڄي ڊوڙندو ئي رهيس مونکان منزل هميشه ڪنارا ڪيا وقت جي ڀِيڙ ۾ مُفت ماريو وَيُس منھنجي نيڻن جي مقتل ۾ عصمت ڪُٺي منھنجي دل جو مدينو ٿي ويران ويو منھنجي عزت جي ڪعبي کي ڊاٿو ويو منھنجو معصوم بيوس برادر ڪُٺو منھنجي بابُل کي رستن تي گِھِليو ويو منھنجي ڀيڻن جي عصمت کي لُٽيو ويو منھنجي مادر جو ڪوئي سھارو نه ٿيو منھنجو جيون ۾ ايڏو ٿي نقصان ويو مان زماني جا زندان ڪاٽيو اچان پوء به مونکان پڇين ٿو مان حاضر آھيان اي خدا، اي خدا، اي خدا، اي خدا..!! منھنجي قسمت جا ڪاتب ذرا غور ڪر منھنجي عَملن جي بيشڪ ڀلي تور ڪر منھنجي پورهيت هٿن جو پڙھي فلسفو پوءِ جي چاهين تون مونکي پنھنجو چور ڪر مون هَرَن کي هلائي ڪيا حج پئَي مون زمينن کي کيڙي زڪواتون ڏنيون تنھنجو ھاري به مان تنھنجو پورهيت به مان پوءِ مونکان پڇين ٿو مان حاضر آھيان اي خدا، اي خدا، اي خدا، اي خدا! مون عبادت گهرن مان کنيا لاش ھئا منهنجا مُصٓلن تي ڪُسجي ويا وشواسٓ هئا جهُور پوڙھن ڪلهن تي جنازا کڻي دفن دل ۾ ڪيم جي منهنجي آس هئا تن جي قبرن تي چادر گلابي وجهي مند مون لاء هرڪا خزان ٿي وئي تن جي صدمن زخمٓ جيءٓ کي ايڏا ڏنا جن جو ''مرهم'' صدين کان پيو ڳولهيان اڃان حال منهنجو سڄو توکي معلوم آه پوء به جي تون پڇين ٿو ته حاضر آھيان اي خدا اي خدا اي خدا اي خدا !! #fyp #foryou #creatorsearchinsights #viral #fypシ - @sindhi_sadaa