@republic854: ព្រះអង្គច័ន្ទ ឬ(ព្រះបាទបទុមរាជាទី១) ព្រះមហាក្សត្រខ្មែរដែលទាមទារទឹកដីកម្ពុជាក្រោមពីវៀតណាមមកវិញ ព្រះអង្គច័ន្ទ ឬ (ដែលគេស្គាល់ក្នុងប្រវត្តិសាស្ត្រថា ព្រះអង្គច័ន្ទ អ៊ីប្រាហ៊ីម) គឺជាព្រះរាជបុត្រារបស់ព្រះបាទជ័យជេដ្ឋាទី២។ ព្រះអង្គត្រូវបានកត់ត្រាក្នុងប្រវត្តិសាស្ត្រថា ជាព្រះមហាក្សត្រខ្មែរតែមួយអង្គគត់ដែលបានចូលកាន់សាសនាអ៊ីស្លាម។ ក្នុងរជ្ជកាលរបស់ព្រះអង្គ (គ.ស. ១៦៤២ – ១៦៥៨) ព្រះអង្គបានខិតខំប្រឹងប្រែងទាមទារទឹកដីកម្ពុជាក្រោម ដែលស្ដេចវៀតណាមបានខ្ចីក្នុងរជ្ជកាលមុនៗ ត្រឡប់មកវិញជាច្រើនលើកច្រើនសារ។ ប៉ុន្តែ ការទាមទារទាំងនោះត្រូវបដិសេធ ដោយសារភាគីវៀតណាមតែងតែរកលេសគេចវេះជានិច្ច។ នៅសម័យនោះ ប្រទេសវៀតណាមស្ថិតក្រោមការគ្រប់គ្រងរបស់ព្រះចៅ Nguyen Phuc Lan (ង្វៀន ភុកឡាន)។ ពេញមួយរជ្ជកាលរបស់ព្រះអង្គ ទំនាក់ទំនងរវាងកម្ពុជា និងវៀតណាម ពុំដែលមានភាពល្អូកល្អើននោះឡើយ ដោយសារតែការប៉ះទង្គិចគ្នាចែកកាលមិនដាច់។ លុះដល់ចុងរជ្ជកាលក្នុងឆ្នាំ ១៦៥៨ កងទ័ពវៀតណាមបានសហការជាមួយកងទ័ពខ្មែរមួយក្រុម ធ្វើរដ្ឋប្រហារទម្លាក់ព្រះអង្គចេញពីបរមរាជសម្បត្តិ ដោយយកលេសរឿងជំនឿសាសនារបស់ព្រះអង្គ។ ក្រោយពីរដ្ឋប្រហារ ភាគីភាគីវៀតណាមបានចាប់ព្រះអង្គបញ្ជូនទៅកាន់វៀតណាម ប៉ុន្តែព្រះអង្គបានសុគតនៅពាក់កណ្ដាលផ្លូវ។ ការសុគតរបស់ព្រះអង្គច័ន្ទ ពុំមានឯកសារប្រវត្តិសាស្ត្រផ្លូវការណាមួយបញ្ជាក់ច្បាស់លាស់ពីមូលហេតុពិតប្រាកដនោះទេ។ ប៉ុន្តែ មានទស្សនៈ និងការនិយាយគ្នាជាច្រើនបែបយ៉ាងដូចជា៖ ទស្សនៈទី១៖ និយាយថា ព្រះអង្គសុគតដោយសារការធ្វើទារុណកម្ម និងការបង្អត់អាហារពីសំណាក់ភាគីយួន។ ទស្សនៈទី២៖ និយាយថា ព្រះអង្គបានធ្លាក់ខ្លួនប្រឈួនយ៉ាងធ្ងន់ធ្ងរដោយសារ ជំងឺគ្រុនចាញ់ នៅតាមផ្លូវ។ ទស្សនៈទី៣៖ និយាយថា ព្រះអង្គមានព្រះទ័យតូចចិត្ត និងសោកសៅជាខ្លាំង រហូតដល់សម្រេចព្រះទ័យបង្អត់ (អាហារ) ខ្លួនឯងរហូតដល់សោយទិវង្គត។ ទោះបីជាយ៉ាងណា កថាខណ្ឌទាំងបីខាងលើនេះ គ្រាន់តែជាពាក្យចចាមអារ៉ាមដែលបន្សល់ទុកក្នុងប្រវត្តិសាស្ត្រប៉ុណ្ណោះ ដោយពុំទាន់មានភស្តុតាងរឹងមាំមកបញ្ជាក់ឡើយ

Republic 🫥

Open In TikTok:

Region: JP

Wednesday 30 September 2026 15:34:36 GMT