@yessbolatovaa: Қамырына: •Жылы сүт-250 мл •Қант-90 гр •Тұз-шым шым •Жұмыртқа-2 дана •Ерітілген сары май-90 гр •Ашытқы-8 гр •Ұн-550-600 гр Салмасына: •Даршын (корица)-20 гр •Қант-120 гр •Жұмсақ сары май-50 гр •үстіне құю үшін кілегей немесе сүт Кремге: •Творожный сыр-350 гр •Қант ұнтағы-150 гр •Сары май-70 гр Жылы сүтке қант, тұз және ашытқыны қосып, жақсылап араластырамыз. Жылы жерге 10 минутқа қоямыз. Мен духовканың ең төменгі температурасына қойып алдым. Егер үстінде көбік пайда болса, ашытқымыз жақсы жұмыс істеп жатыр. Енді қамырымызды дайындауға кірісеміз. Жұмыртқаларды қосып, араластырамыз. Ұнның бір бөлігін — шамамен 100–150 грамын қосамыз. Содан кейін ерітілген сары майды құямыз. Қалған ұнды қосып, қамырды шамамен 3 минут илейміз. Соңында қолымызды маймен майлап, қамырды шар тәрізді формаға келтіреміз. Қамырды ыдысқа салып, бетін сүлгімен жауып, жылы жерге қоямыз. Жақсылап көтерілуі үшін 1 сағаттай күтеміз. Бір сағаттан кейін қамырды сары маймен аздап майланған үстелге шығарамыз. Қамырды қалыңдығы шамамен 1 см болатын тік төртбұрыш етіп жаямыз. Бетіне салмаға арналған 50 г жұмсарған сары майды жағамыз. Үстінен қант пен даршынды себеміз. Қамырды бірдей жолақтарға кесеміз. Әр жолақты ұлу тәрізді ораймыз. Ұштарын қысып бекітеміз. Дайын булочкаларды бір-бірінен шамамен 1 см қашықтықта формаға орналастырамыз. Үстін сүлгімен жауып, жылы жерге тағы 30 минутқа қоямыз. Содан кейін үстінен аздап кілегей немесе сүт құямыз. Алдын ала 180°C-қа дейін қыздырылған духовкаға қойып, 20-30 минут пісіреміз. Менің духовкамда 30 минут пісті Режим: жоғары + төмен, конвекциямен. Кремді дауындаймыз Барлық ингредиентті бір ыдысқа салып, миксермен шамамен 2 минут жақсылап араластырамыз. Крем дайын🤎 Кремді ыстық булочкаларға жағып, ұсынамыз. Ас болсын!

Эльвира

Open In TikTok:

Region: KZ

Wednesday 30 September 2026 17:53:15 GMT