@abantenews: Hinimok ni Senador Erwin Tulfo ang Presidential Communications Office (PCO) na manguna laban kontra misinformation at fake news, binigyang-diin na dapat gamitin lamang ang pondo ng publiko para maghatid ng tumpak, mapagkakatiwalaan, at hindi partisan na impormasyon sa sambayanang Pilipino. Iginiit ni Senador Erwin sa budget deliberation sa senado na hindi sapat na mabilis ang impormasyon. Dapat ito ay tumpak, malinaw, at mapagkakatiwalaan. Dapat aniya ang komunikasyon ng gobyerno ay laging nagsisilbi sa interes ng publiko at ang pondo ng publiko ay dapat gamitin para i-inform ang sambayanang Pilipino, hindi para sa partisan political purposes. Binanggit ni Senador Erwin na ang mabilis na pag-unlad ng social media at artificial intelligence (AI) ay nagpabilis sa pagkalat ng fake news at manipulated media, kaya mahalagang maunahan ng state media outlets ang grassroots communities sa paghahatid ng beripikadong impormasyon. Binigyang-diin din ng senador na hindi dapat masukat ang komunikasyon ng gobyerno sa dami lamang ng post engagements o press releases, kundi sa tiwala ng publiko sa katumpakan ng impormasyong inilalabas ng mga ahensya ng estado. | via Jojo Sicat, Abante News

Abante News

Open In TikTok:

Region: PH

Thursday 01 October 2026 00:52:10 GMT