میں صرف چند گھنٹوں کے لیے آف لائن ہوئی تھی مجھے کیا معلوم تھا کہ میری چند گھنٹوں کی خاموشی، میری پوری زندگی کا سب سے بڑا پچھتاوا بن جائے گی۔ میں نے سوچا تھا وہ ہمیشہ کی طرح واپس آئے گا، مسکرائے گا، اور کہے گا: کہاں تھی میری شہزادی؟ مگر اس دن قسمت نے میری ہر امید کو خاموش کر دیا۔ ... اس کا آخری میسج آیا میری شہزادی ... اپنا خیال رکھنا، میں تھوڑی دیر میں واپس آتا ہوں۔ میں نے وہ میسج پڑھا، ہلکا سا مسکرائی، فون لاک کیا اور دل میں سوچا کہ کام ختم کر کے سکون سے اس سے بات کروں گی۔ مجھے کیا معلوم تھا کہ یہی چند لمحے پوری زندگی پر بھاری پڑ جائیں گے۔ ... وقت گزرتا رہا میں بار بار فون اٹھاتی پھر رکھ دیتی سوچتی ابهی آ جائے گا، ابھی کال کرے گا، ابھی ہنس کر کہے گا کہ میں نے تمہیں ڈرا دیا۔ مگر ہر گزرتا لمحہ میری بے چینی بڑھاتا جا رہا تھا۔ ... پھر اچانک ایک انجانے نمبر سے کال آئی آواز ایسی تھی جیسے کسی کے پاس الفاظ تو تھے ، مگر ہمت نہیں تھی۔ صرف اتنا کہا گیا راستے میں ان کا حادثہ ہو گیا تھا ..." میرے لیے اتنا سننا ہی کافی تها باقی دنیا کی ہر آواز خاموش ہو گئی۔ ... میں پاگلوں کی طرح بھاگی راستے بھر ایک ہی دعا مانگتی رہی یا اللہ ! بس ایک بار اسے صحیح سلامت دکھا دے، میں کبھی اس کا انتظار نہیں کراؤں گی، کبھی دیر سے جواب نہیں دوں گی ... مگر کچھ دعائیں قسمت کے فیصلے نہیں بدل سکتیں۔ ... جب ہسپتال پہنچی ہر طرف خاموشی تھی، ہر چہرے پر افسوس تھا مگر میری امید ابهی زندہ تھی۔ میں خود کو یہی سمجھاتی رہی کہ شاید سب غلط فہمی ہو... شاید وہ ابھی مجھے دیکھ کر مسکرا دے۔.... پھر کسی نے آہستہ سے سفید چادر ہٹائی وہی چهره ... وہی ماتھا ... وہی ہاتھ ... مگر اس بار زندگی کہیں نظر نہیں آ رہی تھی۔ ایسا لگا جیسے میری سانسیں بھی اس کے ساتھ ہی رک گئی ہوں۔ ... میں اس کے پاس بیٹھ گئی ؟ اس کا ٹھنڈا ہاتھ اپنے ہاتھ میں لیا اور روتے ہوئے بار بار کہتی رہی دیکھو... میں آ گئی ہوں ... اب اٹھ جاؤ... میں نے تمہارے میسج کا "... جواب بھی دینا ہے ... پلیز ایک بار آنکھیں کھول دو .... مگر اس بار نہ اس نے میری آواز سنی ... نہ میری سسکیاں ... نہ میرے آنسو وہ ہمیشہ کے لیے ایسی نیند سو چکا تھا جس سے کوئی واپس نہیں آتا ۔ ... آج بھی میرے فون میں اس کی چیٹ محفوظ ہے اس کا آخری میسج آج بھی ویسے ہی چمکتا ہے ... میری شہزادی ... اپنا خیال رکھنا ... میں آج بھی اس میسج کو کھولتی ہوں جواب لکھتی ہوں ... پھر مٹا دیتی ہوں ... کیونکہ دل جانتا ہے کہ اب اس جواب کا انتظار کرنے والا اس دنیا میں نہیں رہا۔ ... ہر رات سونے سے پہلے میں اس کی ڈی پی دیکھتی ہوں ) ... اس کی پرانی چیٹس پڑھتی ہوں ... اس کی آواز کو یاد کرتی ہوں اور پھر خاموشی سے تکیہ آنسوؤں سے بھیگ جاتا ہے ، مگر میری فریاد سننے والا اب کوئی نہیں ہوتا۔ ... لوگ کہتے ہیں وقت ہر درد کم کر دیتا ہے ۔ شاید انہوں نے کبھی کسی ایسے انسان کو نہیں کھویا ، جس کے ساتھ جینے کے خواب دیکھے ہوں۔ کچھ جدائیاں وقت کے ساتھ کم نہیں ہوتیں، بلکہ ہر گزرتے دن کے ساتھ دل میں اور گہری اترتی جاتی ہیں۔ ... آج اگر وقت واپس مل جائے تو میں دنیا کا ہر کام چھوڑ کر صرف ایک میسج بھیجوں گی اپنا بھی خیال رکھنا ... مجھے تمہاری ضرورت ہے ... جلدی واپس آ .... لیکن زندگی کا سب سے کڑوا سچ یہی ہے ، بعض اوقات ہم بعد میں جواب دوں گا کہتے رہ جاتے ہیں اور زندگی اب کبھی موقع نہیں ملے گا" لکھ دیتی ہے۔ ... آج بھی جب فون کی سکرین روشن ہوتی ہے دل ایک لمحے کے لیے یہی دعا کرتا ہے کہ شاید اس کا نام دوباره آن لائن ... نظر آ جائے مگر ہر بار صرف خاموشی ملتی ہے ... اور میری آنکھوں سے ایک اور آنسو بہہ جاتا ہے۔ #fypviralシviral #plzunfrezemyaccount #creatorsearchinsights - @lahasil_sfr