Waxaa laga yaabaa maanta inaad u aragto qofka ku jecel inuu yahay qof aanad u baahnayn, oo aad iska fogayso adigoon ka fikirin inta uu qalbigiisa kuu geliyey. Laakiin maalin ayaa iman karta aad adigu jeclaato qof aan kuu dareemin sida aad isaga u dareemayso. Markaas ayaad xasuusan doontaa qofkii aad hore u dhaawacday. Waxaad xasuusan doontaa fariimihii uu kuu soo diri jiray, sida uu kuu raadin jiray markaad ka aamusto, iyo sida uu mar walba uga baqi jiray inuu ku waayo. Waxaa laga yaabaa markaas inaad fahanto in qofka aad iska fogaysay uu ahaa qof si dhab ah kuu jeclaa. Nabsigu mar walba ma aha in qofkii aad dhaawacday uu kuu aarguto. Mararka qaar nabsigu waa in noloshu ku bartaa isla xanuunkii aad qof kale siisay. Waxaad jeclaan kartaa qof, adiguna waxaad noqon kartaa qofka sugaya fariin, qofka habeenkii fikiraya, qofka ilmada qarinaya. Markaas ayaad is weydiin doontaa: “Qofkii i jeclaa, ma sidan ayuu dareemayay?” Waxaa laga yaabaa inuu waqtigaas kaa gudbay, qalbigiisana uu bartay inuusan mar dambe qof si fudud ugu aaminin. Adiguna waxaad yeelan kartaa xusuus aan kuu oggolaanayn inaad illowdo qof aad adigu gacmahaaga ku lumisay. 💔🥀 Sidaas darteed, qof qalbigiisa ha jebin adigoo og inuu si dhab ah kuu jecel yahay. Haddii aadan jeclayn, si naxariis leh uga tag; laakiin ha ka dhigin inuu naftiisa ku eedeeyo inuu ku jeclaaday. 😭💔 - @jaccayloow