@khaoulabenchanaa: عندك مقابلة عمل؟ 👀 خلي في بالك حاجة مهمة: الاستحقاق المهني ما يعنيش الغرور. كثير من المترشحين يدخلوا للمقابلة بعقلية: «نتمنى يقبلوني» «كاين مترشحين خير مني» «ما عنديش خبرة كافية» وهذه الأفكار تقدر تأثر حتى على طريقة إجاباتك وحضورك. الاستحقاق يعني أنك تعرف قيمتك المهنية بدون ما تبالغ فيها. قبل المقابلة، اسأل روحك: 🔹 واش نعرف ندير مليح؟ 🔹 واش هي المهارات اللي نقدر نوظفها في هذا المنصب؟ 🔹 واش هي التجارب أو المشاريع اللي تثبت قدراتي، حتى لو ما كانتش خبرة عمل رسمية؟ 🔹 وش نقدر نضيف للمؤسسة؟ وفي المقابلة، ما تحاولش فقط تثبت أنك «تستاهل» الخدمة؛ حاول توضّح كيفاش تقدر تكون إضافة حقيقية للمنصب. والأهم: ما تقللش من قيمتك باش تبان متواضع، وما تضخمش قدراتك باش تبان واثق. الثقة المهنية الحقيقية هي أنك تعرف قدراتك، تعترف بنقاط التطوير تاعك، وتقدر تتكلم على نفسك بوضوح وبدون خوف. 📌 احفظ هذا المنشور قبل مقابلة العمل القادمة، وابعثه لشخص راه يحضّر لمقابلة. #مقابلة_عمل #الاستحقاق #الثقة_بالنفس #التوظيف #البحث_عن_عمل

khaoula benchanaa 🇩🇿

Open In TikTok:

Region: DZ

Thursday 01 October 2026 12:41:52 GMT