တောင်ငူမြို့တွင် မိခင်ဖြစ်သူအား သားဖြစ်သူမှ ဓားမဖြင့် ခုတ်သတ်မှုဖြစ်ပွား ရာမညအသံ အောက်တိုဘာ ၁ ၊ ၂၀၂၆ ။ ယမန်နေ့ စက်တင်ဘာ ၃၀ ရက်နေ့ကတောင်ငူ မြို့ အမှတ် ( ၁၀) ရပ်ကွက် ၊ အုတ်ကျွတ်တန်း ၊ ၁၀ လမ်း ရှိ နေအိမ်တွင် ဖြစ်ပွားခဲ့ခြင်းဖြစ် သည်။ ဓားမဖြစ်ခုတ်ခံရပြီး သေဆုံးသွားသူမှာ ယင်းအိမ်တွင် နေထိုင်သည့် အသက် ၄၉ နှစ်အ ရွယ်ရှိ ရေတာရှည်မြို့ နယ်၊စီမံကိန်း ဦးစီးအ ရာရှိ ဒေါ်ငြိမ်းငြိမ်းစံ ဖြစ်သူဟု ဒေသသတင်း များအရသိရှိရသည်။ ဒေါ်ငြိမ်းငြိမ်းစံကို တစ်အိမ်တည်းအတူ နေသည့် အသက် ၂၂ အရွယ်ရှိ သားအရင်းဖြစ်သူဟန်ထူးအောင်မှ အရိုး ၁၃ လက်မ ၊ အသွား ၉ လက်မ ခန့်ရှိ ဓားမဖြင့် အချက် ပေါင်းများစွာခုတ်ခဲ့ခြင်းဖြစ်သည်ဟု ရဲမှတ်တမ်းကဆိုသည်။ ဓားမဖြင့် ခုတ်ခံရပြီး ဒေါ်ငြိမ်းငြိမ်းစံတွင် ညာလက်ခလယ် ၊ လက်သန်းပြတ်ချဒဏ်ရာ ၊ နှာခေါင်း ပါးစပ် ပြတ်ချဒဏ်ရာ ၊ ဘယ်ဦးခေါင်း ပြတ်ချဒဏ်ရာ ၊ ဘယ်ဘက်လက်ကောက်ဝတ် ပြတ်ချဒဏ်ရာ ၊ ညာလက်ခလယ် ၊ မေးစေ့တို့တွင် ပြတ်ချဒဏ်ရာများ ရရှိသွားပြီး အဆိုပါ ဒဏ်ရာများကြောင့် တောင်ငူ ဆေးရုံကြီးတွင် သေဆုံးသွားခဲ့သည်ဟု ရဲမှတ်တမ်းတွင်ဖော်ပြထားသည်။ မိခင်ဖြစ်သူအား ဓာဖြင့်ခုတ်ခဲ့သည့် ဟန်ထူးအောင်အား တောင်ငူမြို့မ ရဲစခန်းတွင် ရာဇသတ်ကြီး ဥပဒေ ပုဒ်မ- ၃၀၂ ဖြင့် အမှုဖွင့် ကာဖမ်းဆီးထားသည်ဟု သတင်းထုတ်ပြန်ထားသည်။ ဟန်ထူးအောင်သည် မှုးယစ်ဆေးဝါးအလွန် အကျွံသုံးစွဲကာစိတ်မတည်မငြိမ်ဖြစ်ပြီး မိခင်အားဓားမဖြင့်ခုတ်ခဲ့သည်ဟု တောင်ငူမြို့တွင် သတင်းထွက်ပေါ်လျှက်ရှိသော်လည်း သီးခြား အတည်ပြုနိုင်ခြင်းမရှိသေးပါ။ ရာမညအသံ ၁၊၁၀၊၂၀၂၆။ - @adrift952